[فراشـــ الجنة ـــة]

السلام عليكم
بسم الله الرحمن الرحيم
بصراحة موضوع جميل وانا اتاثرت بيه جدا
الاول ابارك لفراشة على النقاب ربنا يثبتها
وابارك لاسراء على الاسدال ربنا يهديها للنقاب
وربنا يسهل على كل اللي عايزين يلبسوا النقاب
جوه الموضوع ده او من بره ويثبتهم


بصراحة انتي فعلا غيورة على الدين زي لقبك
وعجبني فيكي اصرارك مع اهلك

اقولك على قصتي وعايزاكي تنصحني بجد
وتدعيلي لان اليومين دول عندي مشاكل ومتضايقة

انا من وانا صغيرة مش مقتنعة بالنقاب نهائي
وبكره كل اللي بيلبسوه خالي اتجوز واحدة منقبة
بدات احب النقاب منها ومن تصرفتها بس مقتنعتش بيه

اقتنعت انه سنة او مستحب بس فرض لا مكنتش مقتنعة ساعتها
المهم ربنا اكرمنا بسفر في السعودية وجينا في منطقة متشددة
النقاب بيلبسوه من رابعة ابتدائي انا استغربت واندهشت
ولبسته هنا علشان عادات البلد وكده

ده من سنتين السنة دي حلمت بحلم اثر فيا اوي
هو طويل بس هقولك على المهم فيه وباختصار
خير اللهم اجعله خير
كنت حلمت بسيدنا ابراهيم _عليه السلام_
وكان بيزعقلي على ملابسي فانا قولتله يعني البس زي السعودين
ووراني البس ازاي كان اسدال وقولته طب والنقاب قالي
لو بتستحي البسيه قولتله مش بستحي ابتسم وقالي لا البسيه

انا صحيت من النوم متأثرة وبدأت ادور
على التفسير(( في ناس قالتلي انه نقاب
وناس قالت انك لازم تلتزمي))
وادور على احكام النقاب
واقرى قصص لغيط ما قتنعت بالنقاب وقولت هلبسه
كلمت اهلي قالولي انتي حرة عاوزة تلبسي براحتك
احنا مش هنشيل ذنب بسببك

قررت اني البسه((انا كده كده بلبسه كعادات للمنطقة))
بس قررت من قلبي وقولت اتحدى كل المخاطر علشان ربي

بس المشكلة اني مقدرتش اثبت
والشيطان ضحك عليا وقالي انتي لسه صغيرة
انا عمري 14 سنة في تالتة اعدادي
فقولت هلبسه لما اكبر

الموضوع ده كان بقاله اكتر من شهرين واما قريت موضوعك
رجعت افكر فيه واقول ليه واسال نفسي وحسيت بجد ان
انا في نعمة


المشكلة:.
1/ اني مقتنعة بالنقاب بس مش قادرة البسه بجد
2/ اني مترددة وخايفة البسه في مصر واقلعه واعمل فتنة
3/ان ممكن اهلي يكونوا بيقولوا كده علشان يسكتوني ويشفوني هعمل ايه؟
وحاسين اني بهزر او كده وواخدني على قد عقلي ويمكن يكونوا صادقين
4/ حاسة اني صغيرة انا عارفة ان البنت اما تبلغ مش بتكون صغيرة بس
عمري ده مليان فتنن وزي ما بيقولوا عليه مراهقة
5/ حاسة اني بعدت عن ربنا الفترة دي علشان كده متضايقة
ومش عارفة افكر كويس
________________________________

وعلى فكرة انا معظم لبسي في مصر عبايات سودة
والبناطيل مش بلبسها غير لما بروح التمرين
والجيب بلبسها لما يكون عيد او خارجين القاهرة وكده
بس اكتر لبسي عبايات
والطرحة مظبوطة ومش بحط ميك اب ولا حاجة

ياريت تقري كلامي وتقوللي بجد محتاجة نصحتك