[medo_dony2000]

انا ضد الإعتصامات ، لاكن احنا اتعودنا من حكومتنا ان يكون شعارها (دع السماء تمطر) والقافلة تسير ،بلاش الكلام التاني ،وبتحترم اللي يعمل اعتصامات كتير عن اللي بيرفع صباعة بالزوق ، عاوز امثلة :
القضاء -الطباء -الصيادلة -الضرائب .....وغيرها .
لاكن تعلي نشوف المعلمين وصلو لفين :

• معلمين المدن (البندر) بيحاول يروح بدري حصة أو اتنين علشان يلحق الشغل التاني ،اما سواق تاكسي أو عامل في محل أو معرض سيارات أو نقاش ......................

• معلمي الأرياف :بيحاول يروح بدري حصة أو اتنين علشان يلحق يسرح(يذهب الي ) الغيط يجيب برسيم .

• معلمي المدن الصناعية :بيحاول يروح بدري حصة أو اتنين علشان يلحق الوردية بتاعة الساعة اربعة.

وفي النهاية الكل يروح يلاقي عيالة نامت من بدري وما يقعدش معاهم،ويصحي بدري علشان يتعلق في الطاحونة دي تاني.
وفي النهاية ولا جميلة ولا شكرانية ،المعلم بقي مادة خصبة للتريقة والإستخفاف من باقي الفئات .
هل ياتري دة وضع يتسكت علية؟!!!!!!!!!!!!!!!!

اخوكم -- ارجو التعليق