[جارةالوادى]

ياااااااااااه هو حد لسة بيسأل السؤال ده خصوصا فى ظل الاوضاع الاقتصادية الطاحنة اللى احنا فيها واللى بتخلى الرجل يشتغل شغلتين وكمان عمل الزوجة وبعدين ياسيدى الفاضل فيه احصائية بتقول ان 30%من الاسر المصرية تعولها امرأة ودى طبعا احصائية تقريبية شوف انت بقى الارقام الحقيقية قد ايه
غير كدة المرأة قوى عاملة لايستهان بها خصوصا مع تميزها فى مجالات معينة وايضا احتياجنا لها فى مجالات بعينها كذلك مع التعليم الذى تاخذ فيه فرصتها كاملة ومن الممكن ان تصل فيه لاعلى الدرجات افضل من الرجال
وعموما وجهة نظرى الشخصية انها طبعا تعمل طالما لن يؤثر عملها على بيتها واطفالها وهى مهمتها الاولى والرئيسية رغم اى تميز فى اى مجال او شهادات او تترك العمل فترة معينة كاجازة يعنى مثلا الى ان يتمكن الاطفال من الاعتماد على نفسهم بعض الشىء ويصبح عندها وقت كافى للجمع بين المهمتين انما ترك العمل بالكلية ففكرة غير واردة بالنسبة لى تماما شخصيا لانى بعتبره غير ان تحقيق ذات وطموح غير انى اصلا بعشق عملى بشكل خاص جدا وبعتبره صدقة جارية وبقدر اؤدى دورى الهام لخدمة دينى ومجتمعى الاان فيه ايضا نسبة امان شخصى من اى ظروف طارئة كفقدان العائل او الزوج لاقدر الله يعنى
ان كان طبعا لازم نوضع فى اعتبارنا ان فيه ظروف معينة قد تمنع المرأة من العمل زى انها لاتستطيع التوفيق بين بيتها وعملها او تشعر بالتعب وثقل الاعباء والتقصير فى اى منهما