[ostazmath4m]

المشاركة الأصلية كتبت بواسطة إم اتش

مع اعتذاري لكل المعلمين

فيه حاجة بتقول

احسبها صح تعيشها صح

انا عن نفسي زهقان من المدرسين

و السبب راح الضمير (و طبعا مش كل الناس )
طيب يبقي بص بقي لنص الكوبايه المليان مش تبص للنص
الفاضي وتقول الكوباية دي مافيهاش حاجه
و الثورة اللي انتم بتعملوها و لا ليها اي لازمة لان مفيش فلوس
اه مفيش فلوس بس ياتري مفيش لمين اكيد تقصد للمعلمين بس
لان في فلوس ظهرت للشرطه وللزراعه وللكهرباء وللبترول وللبنوك وللبريد
فعلا كل ده ومافيش فلوس

بس يلا نبص للأمام

انت ابدأ من دلوقتي ياحبيبي احنا بدأنا من زمااااااااااان من اول ماشتغلنا ماتحسسناش اننا قبل الثورة قاعدين بنغني في الفصل
و اعمل اللي عليك هقولك اننا عملنا اكثر من اللي علينا وربنا يشهد
و ابذل اقصى جهد في الفصل والله بذلنا مش اقصي جهد بس لا اكثر من المطلوب مننا كمعلمين
والله عز وجل اعلي واعلم و تلقائيا هتلاقي الطالب بيستجيب نتمني ذلك من كل قلوبنا في
مدارس لو شفت طلابها ودماغهم عامله ازاي هتعرف معني كلمه سعد زغلول لما قال:
"مااااااااافيش فايدة"

فتساهموا انكم تربوا جيل يطور في كل شئ فبالتالي مصر تتطور و مرتباتكم تزيد

عارف ان الكلام صعب تنفييذه بس مفيش مانع انك تحاول
ياحبيبي اذا كان الكلام صعب تنفيذه طب انا هقولك ان الكلام ده اتنفذ فعلا
مش لسه هيتنفذ ولسه برضو محلك سرررر

طيب ده حتى كاد المعلم ان يكون رسولا
دي مكانه يستحقها المعلم عن جدارة واستحقاق في ظل نظام عادل
ولن يصنعها المعلم لنفسه ابدا طالما النظام غافل تماما عنه
ماحدش بينفخ في ابرة مخرومه

و اسوة برسولنا الحبيب صلى الله عليه و سلم الذي لم ييأس في سني الدعوة
لم نيأس نحن المعلمون ولكننا نريد ان نري النور فكثرة الظلام انستنا طعم النور

فلازم كمان حضرتك كمدرس انك تحاول تطور فكر الطالب
يا حبيبي المعلم لوحده ماينفعش لازم كل هيئات المجتمع تشترك معاه
في دوره التربوي يعني الطالب المفروض انه جاي من بيته
علي المدرسه يعني عنده قيم فاضله ومتربي علي احترام وتبجيل المعلم
مش هستني انا كمعلم الطالب يجيلي المدرسه عشان اعلمه اذاي يحترمني
ياريت الكلام يكون منطقي وحاجه تانيه غير الاسرة المجتمع نفسه
الطالب لما يشوف المجتمع بيحط من قدر المعلم هيحترمه ازاي
ولما الطالب يشوف تناقد بين اللي بيدرسه في المدرسه وبين
طبيعه الشغل اللي ماشيه في السوق هيهتم ازاي بالتعليم وبدراسته
ماهو مش اعمي شايف انه ماحدش بيشتغل بالساهل بشهادته
يبقي ده طالب هيفكر جديا ازاي انه يلتزم ويستجيب لكلام المعلم
منهم لله المسؤلين فصلوا التعليم عن الحياة ياريت عن الشغل وبس
و خلاص اللي كنتم خايفين منه مشى

و كلمة اخير ة

عشان نغير لازم نتغير

صدقت كما اقول لك ايد لوحدها ماتسقفش لازم يا شباب
تقفوا مع المعلمين ايد واااااااااحده وتساعدوهم عشان نوصل جميعا لبر الامان
ونحافظ علي بلدنا