أنا عندى كام سؤال منهم انا بعانى منهم شخصياً
ومنهم أسأله من باب العلم بالشىء
نبدأ بالأسئله الشخصيه
- جوايا مشاعر حلوه أوى نفسى أصلح الدنيا بس للأسف لما باجى أطلعها بلاقى الصد والرد عليها بطريقه جافه جدااا تكثر الجبل
شعور جميل اوي يا سادات انك تكون عندك إراده و رغبه في انك تصلح
و ده بيدل علي انك انسان قوي و بيسعي للافضل
وللأسف مش كلنا زيك كدا
يعني مثلا تيجي تكلم واحد
هيقولك ياعم فكك .. ياعم نفض .. طنش تعش تنتعش
بس صدقني والله
ما دام فيك الرغبه انك تصلح
هتصلح
و ملكش دعوه بردود اليائسين لان دول في زمانا كتير
وحاول تدور علي اللي زيك
و تعمل معاه تواصل
و صدقني لو انت فعلا جواك انك تبقي كويس وتصلح
هتصلح
اديني قررتهالك مرتين
- بكون مخنوق ومضايق وقرفان من الدنيا واللى فيها بس للأسف مينفعش أطلع ده بل بالعكس دنا مطلوب منى أنى أبتسم
ده انبل شعور في انك متظهرش اللي جواك .. بس ليه مضايق و قرفان
علي العموم
قرب من ربنا شوية
ده حل الضيق والله العظيم- الناس كلها مش كلها بس معظمهم بيحسبونى على أقل غلطه وهما أصلا بيبقى عباره عن غلط ماشى على الأرض ومحدش بيحاسبهم
بص واحد عزيز عليا قالي
اسمع اكتر ما تتكلم
اللي يقولك انت غلط اعرف منه انت غلط ليه و لو طلعت غلط قول انا اسف
الكلمه مش كبيرة و الله يا سادات
بس اسمع منه
الغلط ده هتستفاد منه
هيفتح لعقلك افاق انك تفكر
ياتري ده صح ولا ده غلط
كلنا بنغلط
بس بجد كويس اوي انك بتلاقي حد يحاسبك علي اخطائك
وياريت تقابل منهم كتير
عشان مع الوقت
هتوصل لمنطقه معينه من التعامل
ان الخطأ بتاعك هيكون فيها قليل اوي اوي اوي
وبكدا
تكون وصلت لحاجه شبه المثاليه كدا
أما السؤال اللى نفسى أعرف إجابته هو
- لما تكتشف إنك حبيت إنسان غلط بس قدرك إنك لازم تفضل تحبه ومجرد التفكير فى غيره مش من حقك
في دي لازم تغلب عقلك علي مشاعرك
بمعني ان الانسان ده اكتشفت انه ميستحقش حبي
خلاص
انساه فورا ً
ودور علي انسان يفهمك
بس انا ملاحظ حاجة في اسئلتك
انت شخص قوي - قادر علي تحمل المسئوليه - نبيل - تعاني من فراغ عاطفي - للاسف يمكن ارتباطك بربنا عايز يزيد شوية
والله يا سادات اسألني انا
انك تقرب من ربنا
كتير من مشاكلك هتتحل
يالا ربنا يوفقك
عشان انت انسان كويس
شكرا يا كيم علي الموضوع الجميل و المفيد