هو المفروض تذاكرى المواد بتاعتك مش بساعات خالص انا حسيت بكده جربت اذاكر فى مره الكيمياء 3 ساعات فحسيت بعد ال3 ساعات دول ان انا مش فاهم حاجه خالص فالمهم تانى يوم قولت اذاكر الكيمياء من غير وقت بس احل بعد لما اخلص مذاكره ذاكرت فى حوالى ساعه كده وحليت على الى انا ذاكرته لقيت تحصيله احسن من الوقت فكان افضل بكتير من عدد الساعات يعنى من كلامى كله ان انتى تذاكرى وقت ماتحبى بس تكون مذاكره مذاكره وفكك من حكايه عدد الساعات دى بس اهم حاجه الحل وخصوصا كتاب المدرسه الاول اسئلته تفتح النفس كده واسئله كتاب التقويم دى فى اخر حاجه
علشان بتبقى اسئله اعوذ بالله ( بضحك معاكى لازم الاول كتاب المدرسه وبعدين دليل التقويم وياريت لو تعملى كشكول كده لكل ماده علشان ليله الامتحان تفتحيه وتراجعى على الاسئله المهمه الى انتى كتبتيها ) وياريت كمان لما تيجى تذاكرى تذاكرى من حاجه واحده بس مش كل شويه بقى تذاكرى من كتاب شكل وربنا يوفقك ويوفقنا ان شاء الله