السلام عليكم ورحمة الله وبركاته
مبروك عودة مصر لأبنائها، مبروك عودة مصر لنا
يا جماعة فى شباب ذى الورد استشهد فى الميدان علشان احنا نعيش بكرامة
معقولة يا جماعة مش قادرين على تضحية بسيطة ونعطى فرصة للبلد علشان تقوم من جديد.
الناس اللى بتقول البلد اتغيرت من جوة ومن برة لأ !!!!!
اتغيرت أزاى يا جماعة ؟؟؟ البلد لسة بتتغير... لسة بتتبنى من جديد ... فى أولويات .
يعنى احنا هنا فى الخارج لنا مطالب كثيرة جدا . والله الواحد يتكسف يطالب بها دلوقتى .
استنوا شوية.
أيه يعنى المناهج كثيرة .. قليلة... اتحذف ولة ما اتحذفش
اعتبروا ان ما اتحذفش حاجة ، كأن الثورة ما قامتش.
بلاش..... خلى الولاد يجيبوا السنة دى اللى يجيبوه مش فارقة
السنة الجاية يكون الوضع استقر ونطالب بحقوقنا بشكل منظم وحيكون فى مسؤلين ثقة تم اختيارهم
لكن دلوقتى!!! حرام عليكم
لسة فى بعض المناطق فى مصر فيها بلطجية خرجوا من السجون وبيروعوا الناس.
عايزين الوضع الأمنى يستقر أولا، و القرارات السياسية التى ستحقق الحرية والأمانة أولا
وبهذا يكون فى إطار سوف تجدون فيه نظام يستمع لمطالبنا
انا معاكم فى كل المطالب المشروعة لكن مش دلوقتى. انا اتكتسف
انا السنة دى ولادى الثلاثة يمتحنوا فى السفارة ويجيبوا اللى يجبوه ويذاكروا كلوا مثل العام الماضى.
محرجة أقول فداك يا مصر لأن ده ولا حاجة أمام المطالب اللى ناس استموتت عشانها
عزة...كرامة.....حرية
أسئلكم الصبر و بكرة أحلى إن شاء الله
أم مصرية