أولا أنا بتأسف على التأخير..
ثانياً بشكر " داندن " على دعوتها لل Topic الجميل ده
ثالثاً ندخل فى الموضوع ......................
تعتبر نقطة التحول فى حياتى حتى الآن
وياريت تركزوا على كلمة حتى الآن لأن لسه العمر طويل إذا أراد المولى
وأكيد هقابل حاجات كتير هتغير فى مسار حياتى ....ولا إيه ؟؟؟؟؟
عموما تعتبر الثانويه العامة أكبر نقطة تحول فى حياتى ويمكن فى حياة ناس كتير
لأنى بدأت أعرف مين اللى صاحبتى بجد ؟؟ مين اللى تخاف عليا ؟؟؟ مين اللى بتحبلى الخير زى ما تحبه لنفسها ؟؟؟؟؟
واتعلمت حاجات كتيييييير منها ....
# إن مفيش حد أقدر أقول عليه إنه محل ثقتى
# اتعلمت أنى أتعب و ابذل كل جهدى عشان أحقق اللى أنا عايزاه " ما حدش بيكولها بالساهل "
# اتعلمت زى ما بدور على حقوقى أشوف إيه هى واجباتى
# ما حدش بيحب يشوفك أحسن منه
# الوقت كالسيف إن لم تقطعه قطعك
# عرفت إن ربنا خلق العنين فى المقدمه عشان أبص قدامى مش أبص ورايا
بصراحة أنا زهقت ............................
أنا فتحت الباب للتشاؤم يدمرلى حياتى
وقفلت كل الشبابيك اللى ممكن تتدخلى شعاع من الأمل ينورلى دنيتى
استجبت لكل ضربات أعدائى من غير ما أردلهم الضربة ..والسبب ببساطة لأنى مش بحب إنى أأذى حد
عارفين أنا نفسى فى إيه ؟؟؟؟؟؟؟؟؟؟؟؟؟؟؟؟
نفسى التفاؤل يخبط على بابى
نفسى تهب رياح الأمل و تكسر شبابيكى
__________________
يا فارج الهم يا كاشف الغم
فرج همى و يسر أمرى
ارحم ضعفى وقلة حيلتى
وارزقنى من حيث لا أحتسب
|