بصراحة انا كنت ماشي في المنتدي فالموضوع ده شدني اني اشوفه وقلت اشارك معاكم يعني انا مش موظف زيكم ومرتبي مغلبني وطول الشهر مبهدلني وبيخليني اشتكيه للدنيا كلها الا الحكومة طبعا علشان ما تخدشي علي خاطرها مني
اسرتي 4 افراد
ممكن نبص علي الجزار والفكهاني ونقول انظر ولا تشتهي
ولو مرينا علي محل حلواني كفاية علينا النظر ولو عدينا علي بتاع الكباب كفاية علينا الريحة والهدوم بقي بتيجي للاولاد في الاعياد ومكافاة الامتحانات
كفاية علي المرتب المسكين كده هنعمل ايه هنتعب معنا المرتب والا نروح نعيط للحكومة
وبعدين ما احنا حلوين اهوت معانا موبايل وعندنا كمبيوتر ودش وتليفون منيل ارضي مش كل الحاجات دي تعتبر من الكماليات .
يا جماعة لو فكرنا كتير هنتعب والله ربنا هو ايلي بيسرها ولما الواحد بيضيق به الحال اوي بيقول في نفسة ايلي عدي السابقات هيعدي الاحقات
بس الامل في الله كبير والقادم افضل بإذن الله