[احمد رضا]

المشاركة الأصلية كتبت بواسطة kim ahmed

أنا بقى يا جماعة مشكلتي ان مفيش أي حد فاهمني.بجد تعبانة أوي،مشاكلي كتير بس مش بحب ان ابين لاي حد لان مفيش حد بيحترم مشاعري لو كنت زعلانة أبقى معقدة. حتى ماما الي هيا لازم تكون أقرب الناس ليا مش فاهماني ، دايما بتحرجني أمام الناس .مثال أنا السنة الي فاتت في أولى ثانوي كنت الاولى على المدرسة الحمد لله كل الناس مانت بتهنيني وهي كمان كانت مبسوطة بس واحدة صاحبتي اكتشفت ان في غلطة في الشهادة بتاعتها و ماما عرفت فشكت في الشهادة بتاعتي وقالتلي أكيد انتي كمان عندك غلطة راحت المدرسة وكلمت المدرسين و قالتلهم أنا مش واثقة ان هيا جابت الدرجة الدي دي (......)وغلطت فيا مع ان هيا عارفة اني بذاكر من غير مساعدة حد و كل المدرسين بيشكروا فيا.و بابا تقريبا مابشوفهوش طو اليوم في الشغل وهو معذور برضوا . وهما على أي حاجة ولو صغيرة لازم يعملولي مشكلة أنا بجد تعبت ..............

المشاركة الأصلية كتبت بواسطة kim ahmed

أعمل اية؟؟؟؟

بصي يا Kim
الأول اهلا و مرحبا بيكي في بيتك و بين اخواتك
بالنسبه ان ماما مش بتثق فيكي
عايزك تفكري في الموضوع بنظره تانيه

ايه مصلحه ماما انها تروح تتأكد من الشهاده اذا كنتي الأولي
ياتري هيا حاقده عليكي مثلا ؟
بالطبع لاء لاء لاء و مليون لاء

ماما كان قصدها انها تتأكد من مستواكي الحقيقي
عشان تاخد اللازم

وبعدين حكايه انها مش فهماكي دي
معلش .. هو معظم الامهات من الناحيه الفكريه كدا
يعني مش هتقدر تفهم كل احاسيسك و كل مشاعرك
لان فيه فجوه بينك و بينها
الفجوة دي ممكن تقليليها بانك تقعدي معاها كتير و تتكلمي و تحكيلها عن مشاكلك و كدا
حاولي تقربيها منك
و ان شاء رب العالمين هتكونوا احسن كتير

و اعرفي حاجة مهمه جدا

لو خيروكي بين العالم كله و بابا و ماما
اختاري بابا و ماما
عمرهم ما هيحسدوكي
عمرهم ما هيحقدوا عليكي
عمرهم ما هيكونوا عايزينك تبقي مش كويسه

بالعكس هما بقوا في الدنيا دي و بيعتبوا هما الاتنين .. عشان انتي و اخواتك تبقي كويسه و مبسوطه

وعلي فكرة هيا مرحله و هتقعدي
و ان شاء الله هتلاقي نقطه تتلاقي فيها انتي و ماما
و هتكون هيا صاحبتك الاولي و اقرب حد ليكي
و هتيجي و تقوليلي ايوه يا احمد كلامك كان صح و ماما حبيبتي بقت تفهمني دلوقتي
اتمني الافاده
اخوكي احمد