اقتباس:
المشاركة الأصلية كتبت بواسطة अहमद ने कहा नजीब
هكتب من تانى وامرى لله
يا جماعة عندى فكرة وحشة ومش هتعجبكوا ولكن هقولها بردوا
ايه رأيكو نعمل مسابقه فى المواد اللى مش بناخد فيها دروس . بحيث ان فيه مننا بيقصر فى مذاكرة بعض المواد على انه ممكن يذاكرها قيل الامتحان وبعد كده يتفاجى بدرجة وحشة او انه مش عارف يلم المادة
ولكن المواد اللى بناخد فيها درس هنبقى ماشين مع المدرسين تمام.
ايه هى المسابقة دى بقى؟؟؟؟؟؟؟؟؟؟؟؟؟؟؟؟؟؟؟؟؟
طبعا افتكرتونى هقول نسأل بعض وكلام فاضى من ده . لا يا بهوات
المسابقة دى من وجهة نظرى هتفيدنا جدا وتخلينا نذاكر ونخلص اللى علينا بدرى بدرى ونكون مسابقين المدرسة كمان بحين المستر لما ييجى يشرح نكون احنا مذاكرينه قبل كدة وبالطريقة دى هيثبت اوى فى دماغنا
طيب بردو ايه هى المسابقة دى؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ركزوا معايا احنا هنحدد جذء من كل مادة مش بناخد فيها درس ونقول لازم يخلصوا قبل يوم كذا
بحيث ندخل اليوم ده ونشوف مين ذاكر ومين لا واللى مذاكرش هيتراكم عليه الجذء التانى وهكذا
فبكدا واحنا بنذاكر هيكون عندنا نحاس ......سورى . هيكون عندنا حماس اننا نذاكره ونراجع عليه بحيث نحط فى دماغنا ان اليوم اللى هندخل حدد فيه جذء جديد هو يوم امتحان اخر السنة .فشوف بقى كل واحد هيعمل ايه فى الكتاب
بكدا الواحد هيذاكرمن غير زهق او تعب لانه متحمس وفيه حاجة بتشجعه على المذاكرة ( ده غير الهدف اللى بيذاكرعلشانه)
وكمان يا جماعة اللى معرفش جذئيه معينه .غيره يشرحها له
ومتعتبروش الطريقة دى ممكن تعطلنا على المذاكرة او نضيع بيها وقت .لا الغرض منها فقط هو اننا منقصرش فى اى مادة وكمان نكون داخلين 2 متعودين على المذاكرة الكتييييييييييير . لان زمايلى اللى مذاكروش فى اولى مش بيذاكروا فى تانيه لان دماغهم خدت على اللعب وعايزة وقت علشان تشتغل ويشدوا حيلهم .....................مش موضوعنا
المهم دى مجرد فكرة اى حد عنده رأى تانى او تعديل على اللى انا قلته او اى حاجة تانيه يا ريت يتفضل يقول
وعايزين الاراء بسرعة والنبى علشان دى السنه دى عجيبه .احنا منعرفش هيعملوا ايه بعد التأجيل ولا ممكن نكون ماشين مع مستر المدرسة وبعدين فى الاخر يبدأ يلخبط هبل فى الجبل قبل الامتحانات لان الترم ده قليل وكمان شكلهم مش هيأجلوا ولا يحذفوا
المهم ان مستنى الردود واياك محدش يرد علشان دى الكيبورد نصها بايظ والحروف بعملها كوبى وكمان ايدى وجعتنى
يلا لما نشوف ( عارف انها مش هتعجبكوا)
|
تمام
يبقى اولا..كل واحد يقول بياخد ف مواد ايه ومش بياخد ف ايه
ونحدد على اساسه كل ماده ليها يوم ايه
بس ممكن اللى عنده اسئله يطرحها سواء عارف الاجابه او لا علشان الكل يستفيد