الاساتذة اللي بيقولوا ان المدرس اللي متخرج من تربية اساسي من حقه يشتغل اعدادي ماشي اوكيه انا معاكم بس فيه تدرج يبتدي الاول من ابتدائي ويسد العجز اللي واجعين دماغنا بيه في الادرات وبعدين يترقى ويروح اعدادي
ومدرس التعليم العام مش من حق اي حد انه يسلبه حقه فهو خريج عام يعني يبتدي اعدادي ويترقى ثانوي
اما محاولة قلب الحقائق والادعاء ان ده طبيعي والكل يتساوى لا مفيش حاجة اسمها يتساوى لان فيه كليتين من تنيسقين مختلفين ولو المفروض نتساوى يبقى نتساوى من الاول في التنسيق والدراسة
الموضوع مفيهوش اي تحقير ولا بحاول اجرح احساس حد فكلنا جامعيين وفيه خريجين جامعة بيدرسوا رياض اطفال ومبسوطين
بس فيه حقايق واضحة زي الشمس مينفعش نقعد نلف وندور ونقلب الحق باطل والباطل حق
ولو جه مدرس التربية الاساسي يشتغل اعدادي يقولو عادي مهو خريج تعليم اساسي يعني يشتغل ابتدائي واعدادي ولو جه مدرس التعليم العام اللي اتحط ظلم ابتدائي يحاول يتنقل اعدادي يقولوا القانون لا يسمح بالنقل من ابتدائي للاعدادي ويبقوا زمايلي اللي متخرجين معايا في ثانوي وانا طول عمري ابتدائي وبتاع التعليم الاساسي يفضل طول عمره اعدادي ويرفض ينقل ابتدائي
ده ضياع حقوق وتهريج واللي يسمح بالظلم او يدافع عنه ياويله من ربنا وفي النهاية الحق هو اللي بينتصر
فيه مدرسين تعليم عام زمايلي ومبسوطين في ابتدائي ومش عايزين يتنقلوا وهما حرين من حقهم انما حد ياخد حقي غصب عني وعايز يقنعني انه ده طبيعي ومنطقي فهو اللي دماغه ونفسيته وضميره محتاجين اعادة تأهيل
|