[تغريد الطيور]

السلام عليكم و رحمة الله و بركاته

معكم نور الايمان و برنامج هاتتحل المشكلة عالهوا

و الان الحلقة الخاصة

بصراحة يا جماعة انا شوفت اغلبية المشاكل اللى بتواجه الطلاب

من سرحان لعدم رغبة فى المذاكرة لعدم القدرة على تنظيم الوقت لعدم الثقة بالنفس لـ ... الخ

و ماكونتوش عارفين الحل

الحل يا جماعة سهل جدااااااااااااااااااااااااااااااا و وااااااااااااااضح لكن انتو مش واخدين بالكو

الحل فى قربك من ربنــــــا

ااه و الله بتكلم بجد

و دا عن تجربة شخصية

بالنسبة للبنت

فيها ايه يعنى اذا لبستى طرحة طويلة و جيبة .. قولى بس فيها ايه

اكيد اللى فيها كلام الناس

هما دول اللى مواديينا فى مصيبة .. كلام الناس ؟؟؟؟؟؟؟

و ياترى الناس دول هاينفعونا يوم الحساب

دا ربنا قال " الاخلاء يومئذ بعضهم لبعض عدو الا المتقين "

يعنى انتى و زميلتك اللى بتدعوكى لخلع الحجاب الشرعى هاتبقو اعداّاّاّء ... تصورى

دا بالنسبة للحجاب

و خدو الرابط دا و اقرو الموضوع اللى فيه اكيد هايغيرك

http://www.thanwya.com/vb/showthread.php?t=239547

و دا كمان

http://www.thanwya.com/vb/showthread.php?t=290469

اما بالنسبة للولد

انت مثلا عايز تبان للبنات انك راجل و عايز تسقط البنطلون و عايز تحط جل فى شعرك . .. الخ

طيب اقولك اهو

انا بنت و اكتر حاجة بتستفزنى ان الولد يسقط البنطلون

بحس انه عايز يعمل نفسه كبير لكن هوا لسة مانضكش

لكن بقى الولد اللى بشوفه لابس لبس محترم عادى فعلا بحس انه راجل بحس انه زى اخويا

طيب دا بالنسبة لللبس
-----
ندخل على القران

ايه رايكو لو كل يوم مثلا اتنين تحفظو جزء من سورة كدا تختاروها

و يوم الجمعة تقرو سورة الكهف

كدا حاجة سهلة اوى و ماتنسوش قول الله تعالى " الا بذكر الله تطمئن القلوب "

و طبعا ما اوصيكوش على الصلاة

لكن اوصيكم على صلاة الفجر

دى فعلا بتخلى فى اليوم سعااااادة

عافين اذا التزمتو بالحاجات دى

مش هاتلاقو اى مشكلة بتواجهكو ان شاء الله

و ايه رايكو فى حاجة

ايه رايكو مانقعدش عالنت فى الكام شهر دا

بعد كدا هانحس فعلا بطعم الاجازة

و طبعا طعم حلاة الايمان

---------------------------------

يلا مين معايا ؟؟؟؟؟