[عبدالله نصر سيبويه]

ياجماعة انا متعاقد من 2008 وقدمت كل حاجه وشهادة icdlيوم 29\7\2010 وده كان في نهاية المرحلة الخامسة لتقديم الشهادة وانا من قنا وكانوا في الاكاديمية معرفينا ان تسليم الشهادات هيتم على مراحل وكذلك التثبيت هيكون بناءً على هذه المراحل وبالفعل كل زمايلي اللي قدموا لحد 17\7\2010 جالهم التثبيت وبعد كده لا ولما سألت الموظف في الاكاديمية قاللي احنا باعتنا لحد المرحلة التاسعة لكن موضوع التثبيت في ايد المديرية بحسب ما تبعت الاسماء للوزارة
ولما سألت موظف المديرية قاللي انتو 13 الف واحد مش معقول هتتثبتوا مرة واحدة الوزارة بعتت لنا 1400 واحد وكل شوية هتبعت ناس تاني واكيد بتاريخ تعيين جديد وقرار تنفيذي جديد توفيرا لاموال الدولة ذي ما انتو عارفين لكن انا رحت الاكاديمية مرة تانية وقابلت مدير الاكاديمية ولما حكتلوا على ظروفي قاللي الاسبوع الجاي هتبعت الوزارة اسامي تانية وهو ده ياجماعة اللي كان متوقع انهم ان شاء الله هيثبتوا الكل لكن على مراحل مختلفة وتبعا لتاريخ تقديم الاوراق وده على حسب كل محافظة ونظامها
وتفائلوا خيرا واعلموا ان الله لا يضيع أجر من أحسن عملا