والله انا بحب ادخل الموضوع ده عشان النشاط الجميل اللي فيه
لو بتتكلموا عن المواد يبقي تسألوا حد من تانية
المواد سهلة و حلوة
العربي التيرم التاني هيكون رخم حبتين (ايامنا اتلغي منه كتير عشان انفلونزا الخنازير) لكن اللي بيذاكر مش هيكون رخم معاه
الرياضيات اتقل شوية من التيرم الاول
الجبر فيها سهل و فيه شغل معادلات لذيذ كده
و حساب المثلثات فيه شغل شوية في معادلاته لكنه جميل
اما الهندسة ففيها سنة صعوبة الترم الجاي شدوا حيلكم فيها
الانجليزي مش محتاج اتكلم عنه
الفرنساوي فيه حبة شغل و ياريت تشتغلوا فيه عشان هتستفادوا من شغلكوا اكتر في تانية
الفيزياء احلي مادة هتدرسوها لانها مزيج بين الرياضة البسيطة و بعض المصطلحات و بتشغل الدماغ حلو اوي
انا كنت بحبها جداً
الكيمياء مش كبيرة (اتلغي اغلب العضوية ايامنا) لكن بمذاكرتها كذا مرة بتكون سهلة خاصةً ان معادلاتها مش كتير
و كيمياء تانية مبنية الي حد ما علي كيمياء اولي
فياريت تحاولوا تفهموا كل نقطة فيها و تسألوا في اي حاجة تخطر علي بالكم
و بقول تاني
اللي عنده اي سؤال يخطر علي باله يسأله حتي ولو سؤال غريب
لان الاسئلة دي خطوة من خطوات الابداع لازم تتخذوها كلكم
و تقبلوا مروري البطي علي موضوعكم الرائع
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة
|