رأيى :
الأول مذاكرة هشة سريعة يومين و فيها بتشوفى بالترتيب
المنهج و تقريه و تشوفى ايه اللى مستوعباه كويس و ايه الحجات اللى مش أوى و ايه الحجات الهوبليس
و تقدرى تستفسرى هنا عن الحجات اللى مش مفهومة بطلب شروحات أو مساعدات تعتمد على الخبرة أو حتى مجرد الإشارة لكتب
شارحة النقاط ده كويس و بتستعيرى الكتاب من أى حد تعرفيه
و الحكاية ده ما أظنش هتكون صعبة على حضرتك
ده كانت أول حاجة
تانى حاجة تقدرى تدورى على مدرس أو واحدة صاحبتك شاطرة بالقدر الكافى
تتكلمى معاها على الحجات اللى عملتيها فى الجزء الأول و الهدف تتناقشوا هتذاكرى ايه الأول ثم التانى
ايه ممكن يتأجل بعدين و ايه محتاج حل مسائل كتير و ايه جزء نظرى
عمومًا لو مفيش مدرس أو واحدة صاحبتك اللى فى المنتدى ممكن يتكفلوا بالموضوع ده
تقدرى تعتبرى ده مرحلة تأكيد و تخطيط
بعد كده هيبدأ الشغل التقيل لأنك هتشتغلى على أكتر من محور على التوازى
بالنسبة للكيمياء ده مادة مهمة و فى رأيى محتاجة مدرس محترم
أما الفيزياء فالمطلوب
أولا تشوفى درس و تحضريه ضرورى غالبًا دلوقت الدروس بيبدأوا الحديثة فتشتغلى معاهم عادى
ثانيًًا تشتغلى على القديم و تشوفى الأولويات اللى حضرتك عملتيها ايه و تشتغلى بيها
وتفضلى على اتصال بالمدرس أو صاحبتك الشاطرة ده
نصائحى ليكى
# أنت ممكن تذاكرى لوحدك الباب الأول بدون مشاكل خالص و الباب التانى مشكلاته مش كتير
أما الباب التالت فمعتدل بس بيزهق ناس كتير بس أمره محلول و مش معضلة
# الباب الرابع درجاته كتير و أكيد فيه بلاوى بس ممكن يتبسط بدليل أنى شرحته لواحد صاحبى دور تانى
الكهربية فى حوالى أربع أو خمس قعدات مع إنه كان بيستهبل و مكانش يعرف كلمة عن المنهج أصلاً بعكس حضرتك واخدة الحكاية جد و فيه فترة كافية
# الحديثة سهلة لو هاتخدى درس لأن فيها حجات حفظ و حجات فهم يمكن فيها كام جزئية فوق مستوى الأساتذة ذات نفسهم
فحرام بجد تذاكريها لوحدك خصوصًا إنك ممكن تاخدى فيها درس دلوقتى
بس فى رأيى تروحى عند أستاذ رتمه بطىء و يكون محترم برده عشان تعرفى تشتغلى كويس فى الكيمياء و القديم من الفيزياء
# آخر نصايحى فهى معنوية و بقولك فيها اعتمدى على الله و ما تخافيش
حضرتك قولتى فى موضوعك إذا كان الفيزياء ممكن تخلص فى شهر و نص ، و مش عايزة حد يهديك
احب افكرك ببيت الشعر اللى بيقول : و إذا لم يكن من الموت بد ،،، فمن العجز أن تموت جبانًا
حتى لو مش ممكن تخلصى المواد أنت المفروض تبذلى ما عندك و الباقى على ربنا سبحانه و تعالى
اعملى اللى عليكى و عن نفسى مستعد أتابع معاكى على المنتدى هنا أى استفسارات لحضرتك
ده لو احتاجتى بس الشباب هنا فى المنتدى هيقوموا بالواجب أنا متأكد من ذلك
و على فكرة شهر و نص كافى إن شاء الله لو أول مرة
و تلات أيام لو قبل الامتحان كافيين جدًا
و ربى يوفقك ،،،،،،،
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|