[رفقا بالقوارير]

المشاركة الأصلية كتبت بواسطة الجويرية

ايوة طبعا مش حرام الاغانى الدينية ولا الوطنية ولكن شرطها انها تكون بدون موسيقى

المشاركة الأصلية كتبت بواسطة mahmoudwafy3

الكلام واضح جداااا
ازاى هتكون اغنية من غير موسيقى ومادام الموسيقى محترمة خلاص ايه اللى فيها

المشاركة الأصلية كتبت بواسطة mahmoudwafy3

احنا نسينا حاجة ان كل واحد مفتى نفسه بمعنى ان كلنا مش زى بعضنا يعنى ممكن اغنية تثير حد لكن مش بتثير التانى علشان كده الحكم مش قاطع

المشاركة الأصلية كتبت بواسطة mahmoudwafy3

مش عارف بس القرضاوى مش كاتب الموسيقى على العموم الشيخ الشعراوى قال عن الغناء حلاله حلال وحرامه حرام
الله اعلم

المشاركة الأصلية كتبت بواسطة الجويرية

كمان الشيخ الشعراوى قال انه حلال
ده الامر عال خالص

الا هو قال امتى الكلام ده
وايه هو حلاله حلال وحرامه حرام
عشان انا مش فاهمة ممكن حضرتك تفهمنى

المشاركة الأصلية كتبت بواسطة mahmoudwafy3

انتى بتتكلمى على اساس انى انا اللى كاتب انا مالى انا ناقل وجهة نظر شيخ وانا اساسا مش بدافع عن الموسيقى ولا الغناء بس دى حاجة لقيتها ونقلتها ليكم
انا غلطان يعنى

المشاركة الأصلية كتبت بواسطة mahmoudwafy3

حضرتك بتتكلمى على اساس انى انا اللى كاتب انا مالى انا ناقل وجهة نظر شيخ وانا اساسا مش بدافع عن الموسيقى ولا الغناء بس دى حاجة لقيتها ونقلتها ليكم
انا غلطان يعنى
وحضرتك مفهمتيش الجملة حلاله حلال وحرامه حرام
اللى انا فهمته منها ان الغناء الكويس مثلا زى الدينى او الوطنى ده حلال
والغناء التانى بقى هو ده الحرام
ده اللى انا فهمته ياريت لو حد عنده وجهة نظر تانية يقول
وممكن يكون الموسيقى حرام لان فى احاديث كتيرة عن الرسول صلى الله عليه وسلم وايات من القرآن بتحرم الموسيقى

المشاركة الأصلية كتبت بواسطة الجويرية

لا ولا غلطان ولا حاجة
بس اصلى الموضوع ده كبييييييير اوووووووووى
وفيه جدااااااااااال جامد
عموما شكرا على نقلك
وبعد كدة من فضل حضرتك تاكد من الحاجة اللى هتنقلها كويس
وجزاكم الله خيرا الجزاء

المشاركة الأصلية كتبت بواسطة mahmoudwafy3

على فكرة انا الموضوع ده شاغلنى جامد
وبعت سؤال لدار الافتاء على النت عن الموضوع ده
بعتولى بردو نفس الجمله
حلاله حلال وحرامه حرام

المشاركة الأصلية كتبت بواسطة dr.saeed

للاسف
دى فتوى الشعر على فكرة
بس احب اقول
ان الشيه يوسف قرضاوى
يعارض فتوى الصحابة وسلف الامة فى الغناء
ويحللها
والامر دة انا تكلمت فيه كتير جدا فى هذا المنتدى
فى امان الله

المشاركة الأصلية كتبت بواسطة mahmoudwafy3

انا قريت كتييييييير اوى من الاثباتات دى
وحضرتك بتقول ان الاغانى الدينية حلال بس من غير موسيقى
طيب وهل فى دلوقتى اغنية دينية او وطنية من غير موسيقى
انا ماسمعتش الا انشاد النقشبندى (( مولاى )) جى كانت من غير موسيقى كان فيها الدف بس
دى الوحيدة اللى انا سمعتها وبعدين احنا بنتناقش لكن حضرتك بتتكلمى بطريقة جامده شوية

المشاركة الأصلية كتبت بواسطة الجويرية

لا الا دار الافتاء
دار الافتاء فيها الشيخ العلامة الكبير على جمعة
واياك منه انا بحذرك ابعد عن فتاويه

المشاركة الأصلية كتبت بواسطة mahmoudwafy3

على فكرة مفتى الجمهورية ده بيبقى على درجة كبيرة من العلم
جايز يكون فيه علماء تانية متعارضة معاه بس مادام ده مفت الديار يبقى خلاص هو اللى يتحاسب على ده مش احنا

المشاركة الأصلية كتبت بواسطة الجويرية

انا اسفة ان كنت بتكلم بتعصب شوية بس اصلى احنا بنقول للرسول صلى الله عليه وسلم سمعنا وعصينا ونسمع لباقى الشيوخ او اى مفتى
المفروض نقوله سمعنا واطاعنا مش نقول شيخ قال ولا دار افتاء
لا نقول رسولنا قال مش اى حد
قال رسول الله صلى الله عليه وسلم: « ليكونن من أمتي أقوام
يستحلون الحر و الحرير و الخمر و المعازف، و لينزلن أقوام إلى جنب علم، يروح
عليهم بسارحة لهم، يأتيهم لحاجة، فيقولون: ارجع إلينا غدا، فيبيتهم الله، ويضع
العلم، ويمسخ آخرين قردة وخنازير إلى يوم القيامة » (رواه البخاري )
الا ايه هى المعازف دى؟
وبعدين فى اناشيد كتيرة جدا من غير موسيقى خالص
وفي بالدف بس كتير بس اللى يدور او يهتم

المشاركة الأصلية كتبت بواسطة الجويرية

طبعا طبعا
لازم نقول الكلام ده لانه الراس الكبيرة اللى فى البلد والكلام المتزوق ده
بس ممكن حضرتك تفتح اى فتوى ليه وبس شوفها هتغير رائيك على طول
انا عندى كتاب على فتاويه كلاها ربنا يسامحه وفعلا هو مسئول كتير عننا كلنا
وكل اللى ينفذ كلامه

المشاركة الأصلية كتبت بواسطة mahmoudwafy3

كلامك صح طبعا وانا مش بتكلم عن الرسول (صلى الله عليه وسلم ) لان كلامه مش مجال للنقاش ولازم نسمعه ولازم نطيعه

بس هى فين الاغانى الدينية دى اللى هى من غير موسيقى

المشاركة الأصلية كتبت بواسطة الجويرية

ممكن اسال حضرتك سؤال
هو حضرتك دورت قبل كدة عليهم وملقتش؟
واستاذن لانى ساذهب الى الصلاة وساكمل باذن الله دبر الصلاة
السلام عليكم

المشاركة الأصلية كتبت بواسطة dr.saeed

مسئول عن فتوته حضرتك
مش مسئول عن ذنبنا واتباعه
لان الرسول حذرنا من العلماء دول اصلا
عموما شوية كدة ونشوف الادلة بقى الى بجد
هانعرف بردو رأى الصحابة ورأى السلف
بس اذان المغرب حان وقته
هانزل اصلى وراجع بأذن المولى
ثوانى وبلاش الحوارات دى دلوقتى الصلاة اهم
فى امان الله

المشاركة الأصلية كتبت بواسطة mahmoudwafy3

اولا جمعنا الله ان شاء الله فى الحرم



انا مش قصدى بس هو افتى كده
وبعدين احنا حورنا الكلام على الشيخ على جمعة ليه
والادلة اللى حضرتك بتتكلم عنها انا قريتها وانا مش بدافع عن اى حد
انا مش عارف ليه حضراتكم بتكلمونى على اساس انى انا مجرم ولا عملت ذنب
انا مالى
انا بقول وجهة نظر

المشاركة الأصلية كتبت بواسطة dr.saeed

دلوقتى حضرتك
مش احنا الى ندور على الاغانى عشان نسمعها
احنا الى نسمع رأى الدين الاول
وبعد كدة نعرف احنا هانعمل ايه

لو عاوزنى اتكلم باستفاضة فى الموضوع
زى ما تشوف حضرتك
بأذن الله متابع ومستنى ردك

فى امان الله

المشاركة الأصلية كتبت بواسطة الجويرية

هو اى حد يفتى فتوى خلاص يعنى سمعا وطاعة
مش حضرتك اللى فتحت مجال للنقاش فيه ولا ايه
وبعدين ولا مجرم ولا حاجة لو عاوزنى اقفل الموضوع اقفله مفيش مشكلة بس يكون فى اقتناع فعلا
ومش نجيب اى وجهة نظر ونضعها عنوانا لنا
ومش ننقل اى حاجة
لازم تكون حاجة موثوق بها
وجزاكم الله خيرا

المشاركة الأصلية كتبت بواسطة mahmoudwafy3

هو انا يا جماعة بحلل الغنا والموسيقى
انتو مالكوا كده اتعصبتو ليه على
انا عارف ان الموسيقى حرام والقرآن والسنة حرموها
احنا بنتناقش بهدو ء ليه بقى التعصب

المشاركة الأصلية كتبت بواسطة dr.saeed

اوك
يبقى الكلام واضح والحمد لله

المشاركة الأصلية كتبت بواسطة طـفـلـة الامـس

اما حضرتك عارف زى مابتقول
جبت الفتوى دى ليه بقى
سبحان الله

المشاركة الأصلية كتبت بواسطة mahmoudwafy3

ياجماعة حضراتكم حسستونى انى خرجت عن الدين
لا اله الا الله
انا جت رأى وقولت نتناقش فيه كلنا
ليه بقى بتهاجمونى انا
سبحان الله

اللهم بارك حوار طويل جدا جدا و قرات جميع الردود
ابدا مستعينة بالله فى الرد و لان هنا لا يوجد ادراج لروابط اليوتيوب لذا سادعم كل اجابة بدليل اتفقنا
يقوم العلماء بالرد على الداعية مصطفى حسنى لانه اخر من اعلن مثل هذة الفتوى فى برنامج خدعوك فقالو و ابدا بالشيخ مازن السرساوى:
http://www.thanwya.com/vb/showthread.php?p=3131632#post3131632

يتبع