اقتباس:
المشاركة الأصلية كتبت بواسطة samar saad
بس انا اسفة مع احترامى لحضرتك لولا الجزية وعرضها للحقيقة ماكنش كل ده اتحقق
والتليفزون المصرى نفسه اعترف انه توه فى حاجات
والله بجد كانوا بيستفذونى جدا بعرضهم حاجات وسكوتهم كده
بس انا الحقيقة كنت بتابع الجزيرة دايما
|
صدقيني ياسمر انا مش مع التلفزيون المصري وخاصتا انهم اعلام موجه
وانا كنت بشوف كل القنوات والتلفزيون المصري حاليا جيد وافضل بكتير جدا من الاول
ووقتاها كنت بمر بردوا علي التلفزيون المصري لأنه كان بيقول اخبار رسمية كان لازم ايضا اعرفها
مثلا
لما وزير المالية اعلن الافراج عن كل السلع الموجوده في الجمارك دون دفع فلوسها بشرط تعهدات كتابية من المستوردين ( الخبر ده عرفني ان دماغه كويسه وفكره يحترم ما كنشي حد يجي في دماغه حاجه زي دي)
وغيرها وغيرها من الاخبار الرسمية الداخلية زي عدد الهاربين والي اتقبض عليهم والسجون الي فعلا هرب نزلائها ولا لأ وغيرها
كانت الجزيرة بتتعمد عدم نشرها فبتحسس الواحد ان البلد مظاهرات وضرب و*** وبس ما فيش اي امل
فعشان كده كنت ببص علي كله وما بديش ودني لقناة واحده
الخلاصة التلفزيون المصري والجزيرة اعلام موجه سياسيا واحد للنظام ( او علي الاقل في اعتقادهم لصالح مصر ) والاخر ضد النظام دائما ولا ينقل اي صورة معارضه ليه مع اختلاف الامكانيات الرهيب والصورة منهم