[طالب الجنة]

السلام عليكم

والله يا جماعه وحشتونى بصراحه

انا عارف انى غايب من زمان جدا بس اعمل ايه مشاغل الحياه

انا اول مدخلت الموقع ده كنت بحبه بس خرجت منه بسبب اللى شفته فيه

الخناقات والمشاكل اللى مبتخلصش واخرها يوم ما حاولت احل المواضيع دى زى الاستاذ صاحب الموضوع

بس كانت بفكرة وهى مسابقة تجمع كل الاعضاء وللاسف الشديد خذلنى كل الناس

واعتقد ان المرشد يشهد على كده

من بعدها بقى وانا بقيت بكره حاجه اسمها الثانوية وموقع الثانوية

لان كل مش كل الاعضاء داخلة عشان تكتب وتفيد غيرها

اللى داخل عشان بنت واللى داخل عشان بيضيع وقت واللى داخل عشان يرخم على الشعب

والاقلام فى هذا المنتدى اصبحت قليلة جدا

انا بس دخلت اقول رايى فى الموضوع الدرامى ده

وانا معلش يعنى يا صاحب الموضوع هقولك انك مكبر حبك للمنتدى ده لو موقعك مش هتعمل كده

ممكن برضه تكون دراما عشان تعملك شعبية مثلا او تتمنظر بحبك للمنتدى

يبنى محدش حب المنتدى ده زى الناس اللى كانو هنا زمان

بس مكانوش بيثبتوا حبهم ده بموضوع يقعد يعيط فيه

لا كان بيثبته بمواضيعه ومساعدة الاعضاء والخوف عليهم

والموضوع ده هيبقى زى ملفات الشرطة هيتحفظ وكان شيئا لم يكن

وكمان يومين الناس اللى هتلاقيها بتكتب هتقولك الامتحانات وكل سنة وانت طيب

يا جماعه كل واحد اللى عايز يكتب يكتب واللى عايز يتمنظر يتمنظر

واذا كنت فاكر ان موضوع زى ده هيحل مشكلة المنتدى فابقى قابلنى ( فى اى مكان تحبه )

صحيح يا برى يعنى أسال عليك متعبرنيش مكنش ( العشا ) والله

واقولكوا كل سنة وانتوا طيبين ( محدش جاب العيدية ليه )

نسيت حاجه يا صاحب الموضوع ( مش انت محمد قمر احلى عضو فى المنتدى برضه )

سلامو عليكوم