الشعب المصري كده شعب مناكف مش عاجبة حاجة
ماله الأستاذ الدكتور / عمرو خالد
داخلين فيه شمال ليه كده ، هو عشان قالها ربنا يهديكي يبقى أجرم و لا عشان معرفتوش تمسكوا عليه ذله
كان نفسكم يقولها و أنا كمان بحبك
الراجل ده بصراحة مشوفتش منه غير كل خير من يوم ما طلع و كان بفضل الله السبب في هداية الكثير من الشباب بإسلوب هادئ بعيد عن العصبية الخناق
أظن أحسن بكتير من بعض الداعية اللي بيطلعوا يزعقوا و يتخانقوا مع الناس
و الناس اللي بتقول عليه إن لا يجلس أمامه إلا الكاسيات العاريات ، هل كان ده طلب منه في برامجة و بعدين ما يمكن يهتدوا من كلامه و لا المفروض يطردوهم بره و يبقوا المحجبين المحترمين بس مهو لازم دول يكونوا موجودين عشان يعرفوا تعاليم الدين و يلتزموا بيها بعد كده
و بعدين هو مقالش على الرسول إنه فاشل (بغرض الشتيمة و الإساءة معاذ الله) هو بيعرف الشباب النجاح مش من أول مرة بل لازم الكتير و الكثير من المحاولات
و لا هو إستاء بجهل من كلمة الفشل إنها تتقال على الرسول عليه الصلاة و السلام
__________________
أ/هشام السيد محمود مدرس العلوم و الكيمياء
|