[منير عقيلة]

بص يا سيدى خدنا زمان أن التيار ينتقل فى حالة وجود فرق فى الجهد ( أى عدد الشحنات غير متساوى على طرفى موصل مثلا) فى حالة خلية دانيال :
نصف خلية الخارصين يقل فيها تركيز أيونات SO4-2 نتيجة أكسدة ساق الخارصين تمام فيزداد Zn +2 و يقل SO4 -2
و فى نص خلية النحاس يزداد تركيز أيونات SO4 -2 نتيجة إختزال أيونات Cu +2 و بالتالى تركيز أيونات SO4 -2 فى نصفى الخلية غير متساوى و من هنا ينشأفرق الجهد ,
دور القنطرة الملحية إنها تعادل الشحنات الموجبة و السالبة فى نصفى الخلية يعنى :
فى نصف خلية الخارصين هتنزل القنطرة الملحية أيونات SO4-2 عشان تعادل أيونات الخارصين الزيادة
و فى نصف خلية النحاس تنزل أيونات Na+1 عشان تعادل أيونات الكبريتات