[عبدالناصر صديق]

ركز معى انت عارف الفرق بين الليثيوم والسيزيوم ايه اقول لك انا
انا لم اثير هذه النقطه الا من خلال عدة اسابيع ولم اطلب من طالب ان يحاورنى فيها
انا كنت منتظر رد مدرس مثلى
شوف السيزيوم اكثر صفه فلزيه من الليثيوم
طب ايه هى الصفه الفلزيه
هى سهولة حركة الالكترونات التكافؤ حول النواه
يعنى الكترون تكافؤ السيزيوم اسهل فى الحركه حول النواه من الكترون تكافؤ الليثيوم


اما الليثيوم فهو انشط من السيزيوم
يعنى ايه انشط
انشط يعنى الاسهل فى فقد الكترون التكافؤ وتحرره من قوة جذب النواه

هو انا جبت حاجه من عندى طبعا لا اهو المتسلسله موجوده
يعنى اللى انت درسته فى الباب الرابع ومعرفتش تفهمه او فهمته بطريقه اخرى
ان الصوديوم والبوتاسيوم اكبر فى نصف القطر من الليثيوم يعنى الكترونات تكافؤهما اسهل فى الحركه حول النواه من الليثيوم
بس مش معنى كده ان لازم يكون الاكبر فى نصف القطر هو الاسهل فى فقد الكترون التكافؤ هناك عوامل اخرى مش مقرره عليك فى منهج الثانويه العامه ايضا بتتحكم فى فقد الكترون التكافؤ والعوامل دى سواء انت عرفتها او لم تعرفها مش هتفيدك بشى لانها مش مقرره عليك

طب انت عارف كان من كام سنه مضت كاتب ايه فى كتاب الوزاره
كان كاتب ان الليثيوم فقط هو اللذى يتفاعل مع نيتروجين الهواء الجوى خلى بالك من كلمة فقط دليل على انه الاكثر نشاطا فيهم اى فى باقى عناصر مجموعته
ومن سنه او سنتين حذف كلمة فقط على اعتبار ان باقى العناصر تتفاعل بس تحت ظروف خاصه
يارب تكون فهمت وجهه نظرى
اسال اسا تذتك وقل لهم لدينا عنصران احدهما جهد اكسدته اعلى من الاخر فايهما يفقد الكترون تكافؤه اسهل وانتظر حتى تتم الاجابه وعلى الفور بعدها اسال هذا السؤال طب مين الاسهل فى فقد الكترون التكافؤ الليثيوم ام الصوديوم ام البوتاسيوم وانتظر حتى تتم الاجابه
سسسسلام
مستر عبد الناصر صديق