[مستر الخولى]

المشاركة الأصلية كتبت بواسطة أحمد محمد فارس

على فكرة إجابتى عامة وشاملة كل حاجة عنه ومش عيب لما أقول الله أعلم يعنى كمان إجابتى أحسن من إجابتك وبتتريأ

عجايب

جميل انت ازاى حكمت ان إجابتك أفضل من إجابتى يا سيادة المفتى؟؟
أولا: الإجابة اللى انت بتقول عليها شاملة بنسميها لت وعجن ف اللغة يعنى بترط كتير وترص كلام وخلاص وكلام حافظه وهقولك ليه دلوقتى
انت بتقول

he gave them information about volcanos in Iceland and he suggested Sneffels to explore

طب ماهو كلامك تحصيل حاصل ويدل على قصور فهمك للقصة ، لأن البروفيسير كان عارف بالفعل المعلومات دى وعارف المكان اللى هيروحه بالظبط (اللى هوه سنيفلز) من رسالة آرنى ساكنوسيم ، فمكانش محتاج ان يعرف الحاجات دى من د فريدريكسون....فهمت بقى وحتى البراكين الأخرى هوه عارفها بحكم مهنته كعالم جيولوجى وعارف أماكنها على الخريطة (راجع الفصل الثانى) عشان تعرف انه اصلا ان البروفيسور يعلم بالفعل وجود براكين فى ايسلندا وعارف أسمائها وأماكنها ولكن أسئلته لفريدريكسون كانت من قبيل التمويــه عشان ميعرفوش انه رايح لمركز الأرض

ثانيا : انت ايه مؤهلاتك ومستوى تعليمك عشان تكلم حد أكبر منك بالأسلوب ده؟ انا مدرس لغة انجليزية ، انت تبقى ايه؟ مش يبقى فيه شوية احترام ف الرد ...يعنى كان ممكن قلت : أعتقد أن إجابتى أفضل بسبب كذا وكذا وكذا وتوضح وجهة نظرك لو عندك فكرة أصلا بس نقول ايه محدش علمك ازاى تتحدث مع من هم أكبر منك سنا وفاكر نفسك انك عارف كل حاجة ...