08-01-2011, 12:12 PM
|
|
|
اقتباس:
المشاركة الأصلية كتبت بواسطة samir elamir
تانى يا عمّتى؟
بتشمى ريحة عشقك الشارد فى منديل الغريب
كان ياما كان
كان فيه شجر وغيطان وحدوته وسهر
وعيال تشت البلح وهيه بتلاعب النخل استغمايه
كان ياما كان
طب عيطى ان كان لابد من العياط
واكشفى راسك واخبطيها فى الحيطان
مش قالك الولد الصغّير
اننا ف عصر الكمبيوتر والمناديل الورق
مش قلتلك لملمى دموعك
من تحت بيادات العساكر وابلعيها
يا عمتى ما عادش حد بيفتكر
الفديو جيم نسى العيال أساميها
والنهر متعبى ف قزايز البيبسى
والعشق حتى العشق متشفر!
ما عادتش تنفع رعشتك لا غنوه ولا عدودة
كل السكك متقفله وخطوتك محدوده
وام الشهيد محسوده لو افتكرها المسلسل!
بحر الهوا مرشوق سفن متحالفه
أمريكا حالفه ونسل العرب متحدد
الجاز يطولك وانتى ف حضن السنابل
شط العرب ما كتبشى ولا كلمه ف جواب ابنك
ما قالش إنه أسير ولا استشهد
ما تدوريش على معنى الحزن غير فى الحلم
كل اللى ضاعوا مفقودين ف الحرب
زى اللى ماتوا ع السرير فى السِلم
|
الله على الزمن الجميل
زمن كل شئ فيه جميل ورائع الناس العادات الالفة الاخلاق الالعاب البريئه للاطفال
صعب المقارنه فكل شئ تغير حتى الدين اصبح سياسة ومظهر
رحم الله الشهداء المصريين والمفقودين في شط العرب لاسامح الله الحكومات التي دفعت العربي يقاتل اخيه العربي
ديما قصائد حضرتك تتسم بروحك الوطنيه والانسانيه الرائعة العالية التي تمس الضمير الحي
ادام الله عليك نعمة الاحساس وبورك قلمك
تحياتي وتقديري لحضرتك
|