[منى الشقية]

المشاركة الأصلية كتبت بواسطة احمد رضا

أهلا و سهلا بالأخت مني منورة الكرسي

اهلا بيك انت
و ولكم باك يا مصطفي

اسمك منى الشقية وبس
سنك 19
هواياتك القراءة والنت
طريقه تفكيرك تميل للعقلانيه ولا طريقه هوائيه متهوره بعض الشئ؟ بالعكس انا عقلانية جدا جدا ومش بتكلم غير لما ادرس الأمر جيدا وافهمه لكن ممكن يكون التهور في رد فعلي
بيمثلك ايه كل من الكلمات الآتيه

السعاده : شعور اصبح نادرا في زماننا
الجمال : هبة من الله
الطبيعه : هي من صنع الخالق فلوثها المخلوقين
الاخلاق : قيمة الانسان
القدوة : كل ذوخلق ودين فهو قدوتي بعد النبي صلى اله عليه وسلم
الفقر : شعب مصر
السلطه : السلطة بالنسبة لي تعني الظلم
الحب : اجمل شيء في العالم ان وجد
اكتر انسان عزيز و قريب لقلبك ؟ امي
اكتر موقف اتعلمتي منه خبره مفيده ؟ زواج اختي ومش لازم احكي يعني المهم اني اتعلمت كتير فادني
علاقتك بربنا لو قويه ازاي بقت قوية و لو ضعيفه ازاي ممكن تقويها و ناويه علي ايه ان شاء الله؟
بص يا سيدي ما ينفعش نتكلم عن علاقة العبد بالرب لانها بين العبد وربه ده بالنسبة لي انا لكن كل اللي هقولوا خلوا دايما الآية دي في بالكم " ومن يتق الله يجعل له مخرجا " ودي اهم حاجة بين العبد وربه أما عن النية فلو ربنا كرمني هروح احج ان شاء اللهم اجعل ما بيني وبينك عامر وبيني وبين العالمين خراب
حلم كان نفسك تحقيقه و مقدرتيش ؟ ادخل صيدلة
حلم لسه بتحلميه و بتحاولي توصليله ؟ اني ابقى دكتورة في الجامعة

لحظه حسيتي فيها بالندم ؟ اني مصارحتش انسان بحقيقة مشاعري لغاية لما ضاع مني
لحظه بتتمني ان الزمن يرجع فيها ؟ لحظة لما كنت ضعيفة ومش قادرة اواجه اي حاجة ادامي وكنت سلبية جدا بتمنى ان الزمان يرجع تاني علشان اواجه واصحح كل اللي كنت سلبية فيه عايزاه يرجع تاني واذاكر ثانوية وادخل صيدلة
انا اسف لو طولت عليكي يا مني و رمضان كريم

متتأسفش اخي بس انت خلتني الع كل اللي جوايا كل سؤال من دول محتاج يوم كامل أكلمك عنه لكن انا اختصرت سعدت جدا باسئلتك