السلام عليكم
النهردة إن شاء الله أنقل لكم رأى أحد علماء نظرية الأوتار..........اسمه ديفيد جروس
الكلام على لسانه بدون إضافات منى
فى أحد مؤتمرات الفيزياء النظرية ألقى ديفيد جروس هذه المحاضرة:
نحن لا نعرف عن ماذا تتحدث....الكثير منا إعتقد أن نظرية الأوتار كانت فاصل مثير للغاية عن مفهومنا عن نظرية الكم
ولكننا عرفنا الآن أن نظرية الأوتار ليست كما كنا نعتقد...وبأن الفيزياء حاليا فى فترة من الإرتباك الشديد!!
هذه الكآبة والموت فى الأفكار الفيزيائية قد جاءت من أعتى العقول الرياضية فى الفيزياء الحديثة.......وقد كانت كبريات أحلام هذه العقول إيجاد نظرية كل شئ.
ولكن فشل النظرية فى تحقيق أى نتائج ملموسة أطاح بأحلام عشرات العلماء...
أكبر مشاكل النظرية أنها مبنية على الأفكار وليس على المعطيات.......
وخلال 35 عام أسفرت أبحاث نظرية الأوتار عن وجود أكوان متعددة وأكوان متوازية وأكوان غشائية وثقوب ومفردات كونية هنا وهناك ومفاهيم رياضية شديدة التعقيد لا يفهمها أحد..........ولقد استهلك جهابذة الرياضيات عقولهم فى هذه الأفكار السخيفة
1- العدد الذى لا يحصى من المعادلات لا يخبرنا شئ عن نشأة الزمكان
2- النظرية دوما تخبرنا عن ما قد يحدث وليس ما الذى يحدث فعلا
3- النظرية تصف عدد غير محدود من العوالم الإفتراضية ولكنها لا تصف بدقة عالمنا الذى نعيش فيه.....ولأن هذه العوالم فى خيالات رياضية فقط...لا يمكننا الوصول إليها
4- النظرية لا يمكن إختبارها بأى وسيلة وبالتالى لا يمكن تصنيفها كعلم
5- لأجل أن تكون النظرية ورقة عمل علمية إضطر أصحابها لرفع أبعاد الكون إلى أبعاد لم يتم التحقق من أيا منها
6- هناك عدد لا نهائى من الحلول المحتملة للنظرية....فربما يصل العدد ل100 مرفوعة للأس 100!!!
7- التنبؤ الوحيد فقط الذى توقعته النظرية هو قيمة الثابت الكونى العام.......وكان أقل بقوة أسية مقدارها 55 عما هو متعارف عليه...وهو كالفارق بين كرة البيسبول والشمس!!
8- التجريب هو معيار العلم ونظرية الأوتار فى تآكل مستمر فى جوهرها نتيجة عجزها عن الكشف عن أى تنبؤات على أرض الواقع
وفى النهاية يرى ديفيد جروس أن النظرية لا بد أن تدرس فى فروع الرياضيات وليس الفيزياء
-----------------------------------------------------------------------
إنتهى كلام الفيزيائى الحائز على نوبل عام 2004
وفعلا فيه حاجتين مهمين قوى:
أولا: النظرية لم تضع حل لشئ لم يحله النموذج القياسى
ثانيا: يستحيل تقريبا علميا رصد الأوتار لإنها محتاجة طاقة قدرها 10^19 MeV ودى طاقة جبارة جدا فوق التصور
-----------------------------------------------------------------------
تعالوا نشرح المسألة ماشية إزاى
تخيل نفسك داخل سينما من نوع خاص
يعنى بتدفع فلوس مقابل زمن مشاهدة معين للفيلم........وكل ما تدفع أكثر...تشوف عرض الفيلم لفترة أطول.
وأنت خارج من السينما بقى!
تسترد كل فلوسك تانى!!
فيزياء الجسيمات زى المثال ده بالظبط...يعنى أنا عشان أشوف الكوارك أدفع طاقة عالية جدا جدا لفترة وجيزة جدا يظهر فيها الكوارك...وبعدين يختفى تانى...ويرجع للفراغ كل الطاقة دى تانى!
حاليا أقصى طاقة بذلها العلم يمكن فوق 100 MeV بحاجة بسيطة.........
دلوقتى بقى فيه شرط تانى فى اللعبة!
لو أنت عايز تشوف بوزون أثقل من الكوارك....تدفع طاقة أكثر!
وده اللى علماء بيعملوه فى جهاز الهادرون الصادم فى سيرن بسويسرا!
هما عايزين يشوفوا بوزون اسمه هيجز!
لو ظهر هيجز بنفس الصورة اللى تنبأ بها النموذج القياسى
يبقى دق المسمار الأخير فى نعش نظرية الأوتار!!
ليه؟
لأنه حسب النموذج القياسى هيجز ده بوزون كتلته كبيرة فى الكون الأولى...والكون الأولى كان عبارة عن طاقة عالية جدا يدوب كونت كواركات بس....
إنما الحسابات بتقول مستحيل كان يتكون بروتونات ونيوترونات بدون الهيجز!!
عشان كده سموه جزئ الرب.
طيب ممكن العلماء فى سيرن يقدروا يفصلوا الوتر؟
فى ظل الطاقة الحالية.......مستحيل!
لأنهم عايزين طاقة أعلى بمراحل
طيب هل عدم رصد الوتر يعنى عدم وجوده؟
بالطبع لأ!
إنما المشكلة إننا لما فرضنا وجود الوتر........لم نحل أى شئ!
بالعكس.......إحنا توهنا فى أكوان متعددة وفقاعات كونية وأوتار فلكية وووو
وبالنسبة للمساحات الشاسعة على أطراف الكون اللى يعتقد علماء الأوتار إنها ممكن تكون وتر فلكى!........المساحات دى النموذج القياسى نفسه يفترض وجودها وتكونها من المادة المظلمة ومن الطاقة المظلمة
يبقى لحد دلوقتى الأوتار لم تقدم أكثر من المزيد من الغموض!
هى رياضة جميلة وصعبة ومبهرة!
إنما فيزياء صماء مليانة بالغموض!