كل الناس عارفه النوايا الامريكيه الخبيثه
بس ده مش معناه ان احنا نزور عشان نغيظهم مثلا!
وبعدين الامريكان بيدخلو في كل حاجه.. اشمعنا احنا رفضنا في الانتخابات؟
كان افضل انك تقول ايه رأي الناس في الانتخابات مش رأينا في امريكا او غيرها
ده الموضوع الاصلي والمهم لينا..
كده احنا سيبنا الموضوع المهم للشعب ومستقبله وبنتكلم علي الدول الخارجيه ونواياها تجاهنا.. وطول ما احنا ضعاف
هيعملو اللي هما عايزينه
ازاي نقف قدامهم؟ ده هيحصل لما يكون الشعب كله ورا الحكومه ومساند ليها.. وده هيحصل ازاي؟ لما يكون في عدل ومصداقيه وثقه
ودلوقتي لا في عدل ولا مصداقيه ولا ثقه
وربنا بينصر الامه العادله حتي ولو كانت كافره
ويهلك الامه الظالمه حتي ولو كانت مؤمنه
لما اعرف ان الوزير الفلاني او النائب العلاني بيخاف علي مصلحة مواطنيه اللي هو بيمثلهم
وكله بيعمل من اجل الصالح العام وليس المصلحه الشخصيه
لو ده حصل نقدر نقف قدام العالم كله مش امريكا بس
لما نبقي دوله زراعيه ومش قادرين نعمل الاكتفاء الذاتي من القمح ونروح نجيبه من امريكا.. ده يخليهم يعملو اكتر من كده
اصل الموضوع مش كلام وخلاص.. لا... مش نقول امريكا وحشه واحنا اللي حلويين وخلاص
هي امريكا دي عندها تاريخ وحضاره؟
من كام سنه فاتت مكنش في حاجه اسمها امريكا.. شوف هما فين واحنا فين!
وشوف كام عالم مصري هناك؟
وشوف هي بتحافظ علي مواطنيها وكرامتهم في العالم كله ازاي
وشوف هي بتحتضن العلماء المصريين وتوفر ليهم كله حاجه هناك,, وهنا بنعمل ايه في اي شاب متميز ممكن يبقي من اكبر علماء العالم؟
عشان كده هما اقوي دوله في العالم
والشعب الامريكي هو اللي بيختار حكومته.. عشان في واحد بيقول التزورير في كل حته.. لا طبعا
اصل الموضوع مش تزوير صوت ناخب ولا اتنين ولا صندوقين ولا ميه!!
ده تزوير كلي وليس جزئي
هناك في امريكا الوزير بيعمل الف حساب للمواطن
هنا المواطن بيعمل الف حساب للوزير
احنا اتعلمنا ان الاتحاد قوه واحنا في الابتدائي
وطول ما في ظلم وفساد ورشوه ومحسوبيه مش هيبقي في اتحاد
الشباب دلوقتي بيهاجر لأيطاليا وهو عارف انه ممكن يموت في الطريق ومش هامه.. لانه فقد الامل خلاص
لما يتخرج من الجامعه ومش لاقي شغلانه يصرف بيها علي نفسه بس مش يفتح بيت!! في احباط عند الناس
وواحد كان وزير وواخد اوسمه وطلع حرامي!! بعد ما سرق وشبع
لما المواطن المصري يبقي كرامته متصانه في بلده وواخد حقه وحاسس بالامان
مفيش حد هيقدر يدخل في سياستنا
__________________
The deeper you look, the more you will find
|