بسم الله الرحمن الرحيم
أنا جيت يا جماعة، إيه مالكوا زعلتوا كده ؟
ده إحنا في الهوا سوا ومفروض نستحمل بعض برضه
بالنسبة للدواير: د. طارق ما شاء الله عليه، بس فيه مسائل بتشيب برضه، بس إن شاء الله مايجيبش المسائل الصعبة دي في الإمتحان
الرسم : هو غالباً والله أعلم - حسب ما فهمته من كلام البشمهندسة ياسمين - منهجنا غير منهج البنات
إحنا بيدينا د.محمد حلاوة و بناخد مكن - بسيط طبعاً - متجزأ وإحنا بنجمعه وبنربطه بسمامير
خلصنا اللوح اللي علينا أصلاً وإمتحنا الميد التيرم ، والعملية سهلة يعني إن شاء الله
المجالات : د.مهنا ماشي فيها زي الصاروخ، وإحنا مش ملاحقين نفهم حتى ، بس إن شاء الله لو قعدنا عليها هنظبطها يعني
الرياضة : د.عبد ربه ماجاش من قبل العيد !!!!
هي الميكانيكا اللي الواحد قلقان منها، لا فاهمين حاجة من د.شوقي ولا بناخد سكاشن ولا حتى بنذاكرها
ربنا يستر
.................
اقتباس:
انا كنت عاوزه اسالكم انتم عملتم ايه فى امتحانات الميد ترم لحسن انا خايفه منها اوى يعنىبتبقى عامله ازاى وايه نظام دكتور محمد مهنى وامتحاناته ودكتور سيد ناجى انا مرعوبه من امتحاناتهم ياريت لو حد عنده الامتحانات دى يبعتهالى وجزاكم الله خيرا باى
|
بالنسبة للرياضة الترم الأول سهلة جداً إن شاء الله
هو بس الاستنتاج الرياضي اللي تقيل شوية وشيبنا في إمتحان السنة اللي فاتت
بس متقلقيش منها خالص، وحاولي على قد ما تقدري تضمني تقدير الرياضة في الترم الأول عشان أسهل بكتيير من الترم التاني