السلام ورحمة الله وبركاته
الاخ محمد حسن ضبعون
اولا مشكور على مجهوداتك الواضحة فى النقل ...
ولكن لى كلمه ارجو ان تقرأها وتحللها وتعلل مابين السطور
انا لفت نظرى بشده... مقالاتك و روعه النقل وعجبتنى اوى الصور
اولا احب اعرفك... انى مواطنه من بيلا بلدى وبلدك اعتقد لان عائله ضبعون من عائلات بيلا المعروفه
هسألك شويه اسأله بسيطة
واتمنى ان يكون صدرك يتسع لكـلامى
اول سؤال.. حضرتك قرأت كلامك قبل ماتنقله ولا انت مصدر الكـلام؟
ثانيا ... حضرتك هل دى هى الصور الحقيقه من موقع الحادث؟!! ولا مجرد صور ارشيفيه؟
ثالثا... هل تؤكد وتجزم على القبض على المرشح ... حسن الجندى؟
رابعا سؤال صريح كـدا ولك حريه الرد او عدمه... حضرتك تابع لاى حزب؟ او بمعنى ادق صوتك راح لمين؟!!
هسيبك تفكـر.. وهعلل انا بقا اسألتى وارجو عدم غضبك او زعـلكـ منى انا مجرد مواطنه... صدقنى تتمنى التغيير بس التغيير الصح ...
اول سؤال هو انك نقلت او قرأت اعتقد انك نقلت وخلاص وحبيت بقا تظبط موضوعك فجبت صورة جريدة الاهرام وحطيت تحطها الخبر دا
والدليل ان عندى نفس الجريدة بتاريخ اليوم ومفهاش اى معلومة عن الفلم دا
اذن... حضرتك بتدى معلومة خاطئة..
او يمكن خيال الكاتب عندك تعدى حدود الحقيقه وحب يطلع للنور بدون اى دليل ودا بحد ذاته عيب بحق قلمك اللى المفروض بيثق فيه القراء
ثانيا...الصور اللى موجودة دى... نصها صور ارشيفيه لمشاكل قبل كدا وغير خاص ببيلا والدليل ان الصورة اللى مبنى عليها موضوع الحرق متصورة المغرب والحريق زى ما البلد كلها عارفه كان الساعه 12 ليلا منين حضرتك السما اللى بالصورة دى؟!!!
والصورة دى كمان يافندم اكبر كدبه فيها لبس رجال الشرطة الصيفى اللون الابيض.. والحدق يفهم
مش هقولكـ غير ان لما تيجى تظبط موضوع احترم ذكاء القارىء انا سجلت مخصوص بالمنتدى للرد على سيادتك ليس تقليل من شأنك لا والله ولكـن تقدر تقول رأى وراى اخر
ثالثا... اخو المرشح المذكور لم يكن بمستشفى الطوارى
ولا راحها اصلا... هو راح مستشفى السلاب الدولى بالمنصورة
ومعلومة مصدقه 100/100
اذن نص معلومات سيادتك سواء كانت منقوله او من عندك فهى غير صحيحة
رابعا... سؤال يشغل بالى من امس وتم تأكيده لى اليوم حين مررت عصرا ووجدت عربيات الامن المركزى اليوم موجودة عند الاستاد بردو غريبه؟!!! بيعملو لسه اى ؟ مش اتحرقت؟!!
ممكن بما انك رجل وليك بردو نظرتك الانتخابيه والسياسيه داخل البلد ليه تم الفرز ولاول مرة فى الاستاد؟!!!
واشمعنا خيمة؟ ليه مدخلوش مكان احسن من كدا وامان عن كدا؟ الحقيقه انا مستغربه يعنى هنفترض ان انا حدفت ازاز بنزين على خيمة مثل ماسمعنا
والخيمة ولعت لحقت تولع وتدخل على خشب الصناديق وتولعها وتولع الورق فى وقت قياسي؟
هنقول ان القدر حمل معه مفاجات وكل دا حصل!!!
الرجاله والعساكر والعالم المناديب والشرطة محدش انقذ الصناديق دى؟!! طيب هنقول اتحرقت عربيات الامن المركزى موجودة ليه حتى تمام الساعه 5 اليوم بالاستاد؟!!!
كـل دى اسأله الوحيد القادر على الرد عليها هو الحزب الوطنى والشهود العيان داخل المكان
وعلى كـلا... اخى الكريم بنهايه كـلامى
انا لست مع الحزب وضد الهمجيه بكل اشكالها وانواعها
ولكن ضد الكلمة الخائطة واشاعه الاشاعات مهما كانت لانها تكون بمثابه قنبله قابله للانفجار باى وقت
لذلك اخى الكريم لا يلفظ من قول الا ولديه رقيب عتيد
كل حرف بتكتبه انت مسئول عنه
فلا تشيع الاشاعات... ولا تجملها وتزينها بعيون القارىء
لان انا شايفه ان نص رواد المنتدى طلاب ثانويه... يعنى لا عندهم الخبرة الكامله مع احترامى لذكاء شباب العصر
ولا يقدرو يكدبو حضرتك كمثل اعلى ليهم
تحياتى لكـ ولقلمكـ
وارجو تقبل نقدى لسيادتكم
......