[روووووز]

المشاركة الأصلية كتبت بواسطة مستر ايمن محمد راشد

ايه ده امتحان مفاجئ لالالا انا مش مستعدية للامتحان ماعلينا هعمل اللى اقدر عليه

السؤال الاول
من موضوع البيت :
كم رقم ترتيبك فى الاسرة ؟
رقم 4
من هو الاقرب لك من اعضاء اسرتك ؟
مفيش كلهم زى بعض
حدد اهم الامور التى تقوم بيها وانت فى البيت ؟
الصراحة مش بعمل حاجة غير انظف اوضتى وبعض مرات اكنس السلم
اكله تحبها كتير ؟
فراخ مشوية وسمك مشوى عاملة تحالف مع الاكل المشوى
مشروب يستهويك دائما ؟
فراولة
ما هو الطلب الملح الذى تطمع به من اسرتك
ولم يتحقق حتى الان ؟
كل حاجة بطلبها بتتعمل والا اسيب البيت واهرب هههههههه
عندما تشاهد التلفاز : ما هو أبرز ما يستدعى انتباهك
وتحرص على متابعته ؟
الجزيرة والعربية الافضل وخاصة الاتجاة المعاكس
ما هى اوقات النوم المفضله لك ؟
بنام بليل مش من النوع اللى بينام بالنهار

السؤال الثانى
من موضوع الحياه :
حكمة تؤمن بها كثيرا ؟
من جد وجد ومن زرع حصد ومن سار على الدرب وصل
احب الالوان الى نفسك ؟
طبعا الرووز والاسود
دولة تتمنة ان تسافر اليها ؟
دول كتير واتمنى ان اسافر الى دول العالم
ما هى الوظيفة التى تتمناها لنفسك ؟طبعاً انتى يا انسة هتقوليلى نفسك تكونى دكتورة وانتى مش بتعرفى تدبحى فرخة طيب هتدخلى المشرحة ازاااااى
ههههههههه ان شاء الله مجموع عالى وبعدين احدد طب او بحرية
حدد اسم اليوم الذى تحبه واذكر السبب ؟
كلهم زى بعض بس بحب السبت والجمعة عشان اجازة من المدرسة على اساس انى بروح بقية الايام ههههههههههه
حدد اسم اليوم الذى تكره واذكر السبب ؟ محدش يقولى الايام كلها ...
ايام المدرسة
حدد نوع سيارتك المفضله ؟ طبعاً مش كلنا عندنا عربيات !!! ممكن نقول توك توك .
هههههه لا انا بحب التويوتا او المرسيدس لان دول اللى بابا اشراهم واتمنى انه يشترى هامر هههههههههههه
. بتضحكوا على ايه ...ممنوع الضحك اللى هيضحك هطلعه بره ( كده وكده يعنى ) عشان تخافو

ايه يا مستر البيت اللى جانبى هى اللى بضحكنى
حدد افضل رساله لصديقك ماذا قال لك فيها ؟
ههههههههههه هو ابن خالتى اللى بعتلى وقال والله يابهلول وشيلت المحمول الله يرحم لما كنت بتقوم من على السرير مبلول هههههههههههههه
مكان يعجبك كثيرا وتترد عليه دائما ؟بلاش حد يقولى البحر والقمر والكلام الرومانسى ده انا عاوز اجابة ايدلوجية بحتة منبثقة من التفكير اللامركزى اثناء العصف الذهنى ( اللى مش فاهم السؤال ده انا بدى دروس خصوصية ) بس بعد اللجنة وقبل التصحيح عشان فى درجات رأفة
هههههههههههه انا مش بحب مكان محدد
أقرب الشخصيات الى قلبك ؟طبعا السؤال ده حساس شوية ... هاااا ... فاهمين قصدى
مش عارفة

المشاركة الأصلية كتبت بواسطة مستر ايمن محمد راشد

السؤال الثالث
من موضوع المدرسة :
مدرس لازال فى ذاكرتك ولماذا ؟
مدرسة التربية الدينية والعلوم فى الابتدائى
لانى كنت بحبهم اوى
مواد دراسية تحبها كثيرا ؟
الاحياء
مواد دراسية تكرها كثيرا ؟
الفيزياء
حدد بالظبط موقع جلوسك فى الفصل ؟اياك حد كده يقول انى بقعد فى اخر تخته هياخد صفر
انا طول عمرى الصف الاوسط ديسك رقم 3 معروف ان ده مكانى محدش يقرب منه
ما هى احب المراحل الدراسية الى نفسك ؟طبعاً محدش هيقول الثانوية العامة الكل هيقول ابتدائى او اعدادى
الابتدائى يانهار لعب
ما هو ابرز عقاب مر عليك طوال فترة الدراسة وبأى سنة ؟
كنت فى 2 اعدادى مدرس الخط دخل بنت قالت يوه سمعها قال مين قال كده محدش رد قال البنات كلها برة الفصل والاولاد فضلوا يضحكوا
هل حصلت على شهادات تميز خاصة وبأى سنة ؟
كتير فى جميع المراحل ماعدا الثانوى اصلا مفيش تكريم للاوائل فى الثانوى وحصلت على شهادة الطالبة المثالية فى الابتدائى
سنة دراسية تعد هى الاجمل فى حياتك ؟محدش يقولى الحضانة .. هااا .. مفهوم ولا اعيد الكلام تانى
السؤال ده مكرر يا مستر انا هعمل شكوى
لا الحضانة كانت فى بنت بتضربنى كتير
موقف محرج حدث لك فى المدرسة ؟
الموقف ده قولته فوق وانا فى الاعدادى ينفع اعمل سهم للاجابة فوق
ياريت محدش يجيب سيرتى فى الاجابة ...هحول ورقته الى لجنة خاصة ( كده وكده يعنى )


السؤال الرابع
من موضوع المنتدى :
عضو تعلمت منه الكثير ؟
الصراحة كتير اوى
عضو لا تتمنى ان يغيب ابدا ؟اوعوا حد يجيب سيرتى
كلكم انا بكون مبسوطة لما كل الاعضاء تكون موجودة
عضو مشاغب ؟
انا بعتبر نفسى مشاغبة
عضو يعتبر مميز فى نظرك ؟رووووز مش قولت الموبايل يبقه مقفول ( بهزر يا روز )كده وكده قدام العيال يعنى
ايه ده والله يا مستر معملتش حاجة
مميز الاستاذ aliweeka1
عضو يثير اهتمامك ؟ميدو سوهاجى : انا شايفك بتتحرك شمال ويمين ..فى ايه .. مش وقت الاكل ده احنا فى امتحان
كتير
عضو تعرفه خارج المنتدى ؟
لا احد
عضو تهديه باقة ورد ؟مجنونة الكيمياء اعتقد السؤال ده متعلق بالكيمياء ..ياريت تخبى ورقتك من زميلتك
بهدى باقة ورد لكل الاعضاء ومش هدفع حاجة
عضو تحس انه مريض نفسيا ؟بلاش ده سؤال مش اجبارى يعنى معليهوش درجة
مش هقول الاسم ربنا يهديه
عضو تكونت لك علاقة معه عن طريق المنتدى ؟
كتير جدااااااااااااا
عضو اكتشفت مؤخرا انك لم تعامله باهتمام ؟
انا بعامل كل الاعضاء زى بعض
عضو ترى ان لديه امكانيات كبيرة ولم يقدمها حتى الان ؟
معرفش الصراحة
عضو مفقود ؟

بجد اسئلة جميلة جدااااااااااااااا وياريت الامتحانات كلها تبقى كده
على فكرة مرقبة حضرتك كانت صعبة