يا جماعة خلوها على ربنا انا اختى كانت جايبة فى تانية 95% وفقدت الامل فى صيدلة وده كان حلم حياتها بس بعد كدا فى تالتة مدرسينها شجعوها والحمد لله جابت فى تالتة 98.5% وبمجموع السنتين دخلت صيدلة هى دفعة السنة اللى قبل اللى فاتت
السنة دى بتقلب الموازين واى حد جاب اى مجموع يحمد ربنا عليه لان ده نصيبه وقدره وميستقلش بيه ولا يفقد الأمل لان والله اعلظيم سنة ثالثة بتقلب الموازين وبشهادة ناس كتير جدا واولهم اللى حصل مع اختى فى حين ان واحدة صاحبتها كانت جايبة 98% فى تانة دخلت تالتة جابت 92% وجالها طب بيطرى والله العظيم
من الاخر مينفعش اللى جاب مجموع قليل يزعل ويفقد الأمل انتوا والله العظم متعرفوش اختى كانت عياط مستمر وخلاص وتقول انا احول ادبى احسن بس الحمد لله ربنا وفقها عان بعد كدا رضيت بقدرها وبنصيبها واجتهدت للأحسن وف نفس الوقت مينفعش اللى جاب مجموع عالى يهمل السنة دى ويعتمد ع مجموعه فى تانية لازم يبقى عنده عزيمة انه مينزلش ابدا ويخليه متفوق دائما
بس ردا على السؤال اللى أتسأل انا عن نفسى اتوقع ان طب هتبقى من 99.5%
انا والله مش بقول كدا عشان احبطكم لا والله العظيم بقول ده لان انا دايما بقول لنفسى لازم اجتهد السنة دى جامد جدا واحط قدام عينى ان الطب ان شالله هتبقى من 100% كل اما افتكر كدا بعيط اوى وبخاف جدا بس بعدها بارجع متحمسة للمذاكرة اكتر من الأول واقول لأ مش هسمح لحلمى الوحيد فى الدنيا دى كلها انه يضيع لو كل واحد فينا حط كدا قدام عنيه ان الكلية اللى نفسه فيها هتبقى اعلى مجموع هيجتهد عشان يجيب السنة دى 100%
ومتنسوش درجات المستوى الرفيع يا جماعة اوعوا تنسوها
وعلى فكرة انا جايبة 96%عشان محدش يفتكر انى جايبة مجموع عالى وبتكلم على اساسه مع انى اقسم بالله العظيم مظلومة ورحت شفت ورقى المهم ده مجموع قليل جدا فى نظر كل الناس انى ادخل بيه طب بس بس انا شيفاه كبير اوى لسبب واحد وسبب بسيط جدا انه هيكون دافع كبير ليا اويييي انى اذاكر احسن السنة دى وبحسبة بسيطة مع درجات المستوى الرفيع يبقى انا كدا ناقصة درجتين بس هحافظ عليهم السنة دى ومقلش نهائى يبقى كده 99.5 ان شاء الله
يا ريت كلنا نحسبها بالطريقة دى هتفرق اوى والله العظيم
ادعولى ربنا يوفقنى وادخل طب السنة دى
وربنا يوفق الجميع يا رب وكل واحد يحصل على اللى بيتمناه
وافتكروا ان الله لا يضيع اجر من احسن عملا
__________________
|