[هنتغير بجد]

حلقات خليكى اجمل

يقدمه لكم : همسات قلب & asmaa

الحلقه الرابعه
حسن المظهر .. الجزء الاول

السلام عليكم ورحمة الله وبركاته
وعليكم السلام ورحمه الله وبركاته



ازيك يا قمرايه ...ايه اخبارك؟!
الحمد لله تمام



الحمد لله ايه اخبارك بقى مع ربنا سبحانه وتعالى
الحمد لله انا اتغيرت كتير



الحمد لله انك اتغيرتى بس انا عايزه اقولك حاجه..؟!
اتفضلى طبعا



انا بحبك ف الله
وانا كمان



احبك الذى احببتنى فيه ..
تمام اوى كده احنا اتفقنا اننا احباب ف الله
وزى ما أنتى قولتى انك اتغيرتى بس انا شايفه ان التغير ده من جواكى بس...
يعنى مش ظاهر عليكى من بره واحنا اتفقنا اننا نتغير من كله
مش فاهمه قصدك... وضحي لى اكتر..!!!
حاضر .. بصى معايه يا حبى هسألك سؤال وتجوبينى بصراحه
حاضر احنا اتفقنا خلاص اننا اخوات

ماشى سؤالى هو ... انتى اتعاكستى كام مره قبل كده؟!
امممم ..... ياااااااااه كتير مش اعرف اعدهم طبعا..!!

طيب.. وهل ده شئ يفرحك ولا يزعلك؟!
ف الحالتين انا ايه ذنبى مش هما الشباب اللى مش وراهم غير انهم يعاكسوا البنات؟!

سورى بس انا مختلفه معاكى ف النقظه دى
ازاى بس... ماده معروف جدا وكل البنات عارفاه...!!!



ماشى تعالى نتكلم بصراحه اكتررر..اولا انا شايفه ان معظم البنات اللى بتتعاكس بتبقى هى السبب
لا طبعا ...انا مختلفه معاكى...!!!


طيب ليه؟!
يعنى هو انا مثلا هروح اقول لواحد تعالى عاكسنى
لا يمكن طبعا .. !!


اكيد انا عارفه انك مش هتروحى تقوليله بلسانك تعالى عاكسنى بس بتقوليله بطريقه تانى
ازاى يعنى...!!!


طيب قبل مانكمل كلامنا
ممكن اقولك كومنت صغير على لبسك ومنه هتفهمى قصدى؟؟
اه...اتفضلى


انتى بتلبسى بادى وعليه بنطلون... وده بيبين معالم كتيره من جسمك...
هل كده مش بتقولى ليه تعالى عاكسنى؟!
لا طبعا... لان كل واحد حر فى لبسه
وهو ماله هو ويبص عليه ليه اصلا..!!!



اهدى بس...
ماهو برده الراجل مش هيمشى مغمض عينه ف الشارع ولا ايه؟!
يعنى ف الاخر بقينا احنا البنات السبب...!!!



ف الاول والاخر تقريبا البنت السبب
لانها هى اللى بتوصلهم لكده من طريقه لبسها
يعنى هو انتى عايزانى البس شوال وامشى بيه ف الشارع...؟!!!



انا مقولتش كده... فى لبس مناسب لسنك وشكله بيكون شيك جدا بس بيكون منطبق عليه شروط لبس المرأه او البنت
فين هو ده...!! ماهى الموضه اللى بنشوفها كده..؟!!!



بعيدا عن موضوع الموضه اللى لينا فيه كلام كتيررر بعدين... اولا اللى بيعوز حاجه بيدور عليها مش كده؟
اه فعلا.... عندك حق



تمام اوى... انتى بقى حاولتى تدورى على لبس واسع
مش شفاف وفى نفس الوقت شيك قبل كده؟
الصراحه...لاء...
انا كنت بعرف ان الموضه الفلانيه نازله
واروح اجيبها على طول..!!!



تمام اوى كده يعنى انتى اصلا مدورتيش ...
وبكل سرعه قولتلى يعنى انتى عايزانى البس شوال...!!!
طيب يعنى انا المطلوب منى ايه دلوقتى ؟!!



بصى يا ستى احنا هنمشى خطوه خطوه
وهنبدء نشوف لبس مناسب لسنك
وكمان شيك ومحترم ف نفس الوقت
تمام اوى وانا معاكى وايدى فى ايدك



ماشى يا قمر عاجبنى اوى انك عايزه تتغيرى بس .....
بس ايه... يلا كملى..!!!


انا مضطره امشى دلوقتى لانى اتاخرت جامد على البيت
طيب ومش هنكمل موضوعنا؟!



اكيد هنكمل... ماأنا هاقبلك تانى
وقريب إن شاء الله هنروح من بعض فين
امممممم.... ماشى وانا مستنياكى على نار متتاخريش عليا



حاااااااضر نقول بقى السلام عليكم ورحمه الله وبركاته
وعليكم السلام ورحمه الله وبركاته

انتظرونا وحلقة جديدة من
خليكى أجمل