[روووووز]

المشاركة الأصلية كتبت بواسطة كرومبو2011

على بلاطه ومن على المصطبه شفت ناس كتيييييير مستغربه

ليه الإنسان ده بيحب البلد دى وبيته مافيه حتى ميه ولا كهربه
أكيد مجنون وجنانه مرض ولازم نعزله عن ت النخب والكوكبه
رديت
لأن افكارى محليه وكمان مصريه ميه فى الميه لامستورده ولامتهربه
وعنيه بتقول قبل لسانى وأعصابى حديد وعمرها ماكانت يوم متعصبه
لابرادعى خالى ولاحسنى عمى ولاكل النخب جابوالى يوم حتى مرتبه
بحبك يابلدى لأنك دايما كلك خير و بطمى نيل البركة مطينه ومتروبه
اشرح هذا البيت؟
----------------------------------------
بحبك يابلدى ومرضك لذ يد ومن نسى أصله تاه فى غربته وضـــاع
بحبك يابلدى وأنا إيه ذنبى فى اللى نسى تاريخك وخـــــلاص باع
ونضارته السوده صبحت موضه والفتنه عنده ابتكار وكيييف وابــداع
بحبك يابلدى وزى ملايين لاعمرهم انخدعوا ببهرجة ولايقدرواع الوداع
بحبك يابلدى وربنا ينتقم من اللى نهبك ومن اللى عملوا لنا صـــداع
والكرسى حلم لدول ودول واحنا فى النص كوره ولعبه وفرش متــاع
بحبك يابلدى علشان بلدى ومهدى ولحدى وفرحى وحزنى وكل الأوجاع
بحبك يابلدى من ساسى لراسى وهكتب اسمك بالحبل الشوكى والنخاع
بحبك يابلدى والفقر ونيسى وكمان حليفى وعمر الكريم مافى يوم جـاع
والحمد لله

----------------------------------------------

بحبك يابلدى رغم انف الحاقدين واللى فى خيرك مرفهين ومنعمين وزى القطط ناكــرين
بحبك يابلدى وفى كتاب الله مذكوره ادخلوها بسلام أمنين( هل هذه شعارات يامسلمين ؟!!!)
بحبك يابلدى وحبك للقلوب الصافية نبض ورنين وشوية أنين (وشوية شعارات كويسين!!)
نحب البلد تبقى شعارات نسبها ونلعنها يبقى هو الواقع اللعين(فى شرع مين يا مؤمنين !!)
وبكدا راضين وبكدا راضين ومفيش أجمل من كدا فى الدنيا و الحمد لله رب العالمين
وشكرا بس للمتفائلين ولا شكر للى بفكرهم مثعلبين ولبث اليأس فى نفوسنا مندسين
ومصمصمين ------

مين على بلاطة ومين المصطبة

هو حضرتك سألت كل واحد فقير ايه رايك فى مصر او الحكومة ورد على حضرتك وقال انه بيعشق ترابها
وكمان انا كلامى عن الحاضر الحاضر مين جاب سيرة التاريخ والارض
هو عشان قولنا عيوبها يبقى بنلعنها وبننكر فضلها علينا اى فضل ده
غريب تفكيركم ياشعب يامصرى تزعلوا وتنكروا الحقيقة الواضحة زى الشمس
بلاش تعيشوا فى الوهم ده كتير وفتحوا عيونكم على الحقيقة
هو انا لو مش بحبها كنت اتكلمت فى الموضوع ده من الاول كنت قولت وانا مالى انا عايشة كويس ومش يهمنى البلد المهم انى عايشة وكل حاجة تمام معايا بس انا مش كده انا بحبها عشان كده بقول عيوبها

ياسلام على حضرتك كاتب قصيدة فيها نغمة ربنا يزيد حضرتك