السلام عليكم
بالنسبة لحكاية خريجي حاسبات هيشتغل ايه؟؟
هوة مبدأيا خريجي حاسبات مش شرط يشتغل في شركة كمبيوتر ممكن يبقى شغال في شركة عادية او مستشفى او مدرسة او شركة اتصلات وغيرهم وبيبقوا شغالين في قسم الit بيبقى شغلتهم انهم يطورا السوفت وير اللي الشركة او المكان اللي همة شغالين فيه بيشتغل بيه و او بيعملوا سوفت وير جديد لاي حاجة جديدة في الشركة, وفي ناس بتشتغل في برمجة اجهزة جديدة خالص وفي ناس بتبقى شغالة في شركة لسوفت وير اصلا زي ميكروسوفت وغيرها
على فكرة هية مجلاتها كتير اوي فانا مش هعرف احصرهم
بالنسبة بقى لدراسة الكلية..
هوة اصلا الفرق بين واحد اخد كورس في لغة معينة وهوة ميعرفش حاجة عن الكمبيوتر وواحد تاني قرى عن نفس اللغة بس عنده اسس البرمجة ان الاول لما هيجي يعمل برنامج هيعمله وهيشتغل بس هيبقى مثلا بياخد وقت طويل جدا او هياخد مساحة في الميموري كبيرة جدا اما التاني هيعمله بققل مساحة في الميموري واقل وقت في التشغيل
بالنسبة للشركات لما بتعمل انترفيو مع شخص مش بتساله في اللغة اللي هوة درسها زي ما بتساله عن اسس البرمجة حتى لو كان هيشتغل في لغة هوة عمره ما سمع عنها
وطبيعي اي كلية مش هتديك كل اللي هتحتاجه لما تشتغل هية بس بتديك الاساسيات وانت بعد كدة تكمل مع نفسك
في ناس كتير في الكلية بتاخد كورسات في البرمجة بس هية فعلا ملهاش لازمة غالبا, لانك ممكن تقرى في كتاب او تيتوريل على النت وهتقدر تحصل نفس المعلومات ويمكن اكتر كمان
بالنسبة لدورات الكمبيوتر انا معنديش فكرة عنها خالص وعمري ماسمعت من حد قريب مني انه اخدها فانا مش عاوزة افتي
بس واضح انها مختصة بالديسين وده مجال تاني خالص غير اللي حاسبات شغالة فيه....
يارب يكون الموضوع وضح كدة .. واي استفسارات هحاول اجوبك عليها ان شاء الله