اقتباس:
المشاركة الأصلية كتبت بواسطة dr.ahmed omar
السلام عليكم ورحمة الله وبركاته
بصوا انا هدخل فى الموضوع على طول
انا الحمد لله متفوق وبطلع الاول ولله الحمد
بس انا دلوقتى دخلت 1ث وعندنا فى المدرسة ان الطلاب بيكونوا واخدين درس فى المادة اللى بتتشرح ويكونوا مذاكرينها مليون مرة وبعدين ييجوا يتشطروا ويعملوا نفسهم عباقرة فدا مخلينى مكتئب بطريقة رهيبة ومتغاظ جداا
انا مش عارف ان يحقلى انى ازعل ولا لا بس انا كدة ازعل لما الاقى حد جاوب صح وكدة يعنى
وافرح جداا لما يغلط. مع انى بتمنا للناس كلها ان تكون احسن منى وبتمنالهم كل خير بس مش عارف انا عامل ليه كدة وصدقونى دى حاجة غير ارادى
دى مشكلة المدرسة
اما مشكلة الدرس انى معايا بردو طلاب متفوقة وبالزات البنات
بس انا ببقى مكتئب ومش مركز وحاسس ان دماغى هتنفجر
وكل ما اجى اذاكر نفس المواضيع بتتكرر فى دماغى حاجات والله غريبة وبتخلينى هولع فى نفسى مثلا فلان اشطر منى .....فلانة حافظة الكتاب ومش بيفكروا غير فى المذاكرة وبيركزوا جامد وكل حاجة تمام ورامين همومهم وراء ضهرهم وانا الوحيد اللى كدا
فلان واثق من نفسه وهيجيب اكتر منى وانا هلاقى مستوايا نزل وكل الناس تجيب اكتر منى
المدرس بيحب ده ومش بيحبنى ومش هعرف اوصل لمستواه
مذاكرتى دى مش مذاكرة دى العيال تلقاهم بيمسكوا الكتاب يحفظوه من الجلدة للجلدة وبيحلوا كتير وبتركيز
مش هقدر اطلع الاول على الجمهورية ولا حتى على المحافظة
اانا معتبرش متفوق دى العيال المتفوقه بتبقى حاجة هاى اوى واحسن منى مليون مرة
انا .........................
وكلام كتيييييييييييير والله خلانى هتعفرت مع انى عارف انى لو ذاكرت كويس وحليت المشاكل ى هكون احسن منهم كلهم والمواد والله سهلة جدا بس حالتى النفسية صعبه خالص ومأثرة عليا جامد
دلوقتى المطلوب ايه بقى ان كل اللى يشوف الموضوع ده يقولى احله ازاى يعنى انا مش عبيط ةلا صغير علشان تقولولى كلمتين اعمل بيهم سورى يعنى
بس انا عاريز كلام ناس مجربة يعنى كلام يعقل يكونوا مشيوا عليه . يكونوا مروا بنفس المشكلة وحلوها
تقولولى مثلا هل بيحصلكوا حاجات زى دى ولا انا بس ولا اييييييييييييييه؟
بصوا انا مش بقول كدة علشان اانا فشلت ولا اى حاجة من دى
لا انا عندى حماس شديد جدااااا وقدرة على المذاكرة بس عايز حل لحالتى النفسية
وشكراااااااااااااااااااااااااااا
|
بص يا دكتورنا
انا فى اولى ثانوي كنت الوحيد فى المدرسه كلهاااااااااا مخدتش درس فيزياء ولا كيمياء ولا احياء ولا فلسفه
وكان كل العيال بيقولولى هتضيع يا ابنى محدش بينجح من غير درس
تعرف انى السنه دي طلعت الاول على البلد عندنا كلها جبت النهايات (20 من 20)فى كل المواد السابقه
لانى بجد اعتمدت على نفسى 100% وبجد مذاكرتى مع نفسى دي فتحت ليا طرق فادتنى اوي بعدين واجتهدت مووووووووت
وربنا كافئنى
يعنى مش بالدرس ومنهج اولى تافه ومهم لانك بتبنى عليه اساس تانيه وتالته
وحاول تجرب معظم الكتب الخرجيه وطرق المذاكره
عشان تختار الانسب ليك بعدين
ثم محدش طلب منك تطلع الاول على الجمهوريه
والله والله كله توفيق من ربنا
لان كله بيذاكر لكن الفرق بيبقى فى الفروق الفرديه والتوفيق والتوفيق اهم كمان
بالتوفيق،،