[نبض القلب]

اسمح لى بمداخله صغيره .. المشكله ليست فى زيادة درجات الماده ,,
المشكله فى توعية المحيطين باهمية وخطورة تعليم الطلاب ماده هتفيدهم فى حياتهم العمليه ..
للاسف كل المتعاملين مع الكمبيوتر أقصى حدودهم التعامل مع الإنترنت ,,
يمكن لو قدرنا نفهم الناس إن مناهج الحاسب الآلى اللى بيدرسها الطلبه مختلفه عن كدا تماما ً,,
اللى بيدرسه الطالب من الصف الثالث الإبتدائى وحتى نهاية حلقة التعليم الأساسى
بعد تخرجه من الجامعه بيجرى على مراكز متخصصه للحصول على دورات تدريبيه فيها ,,
يعنى احنا بنوفر له التعليم بالمجان ومن غير قلق ولا غرامه وفى النهايه بتكون النتيجه إهمال وتجاهل
سواء من أولياء الامور أو بداخل منظومتنا التعليميه وبكل اسف من بعض مدرسى الماده اللى واخدينها مجرد عمل متوفر لهم وخلاص ..
حقيقى حرام يضيع مجهودات ناس كتير بتحاول تبنى وتعمر وتخرج جيل واعى بكل ما يدور حوله من متغيرات
فى مجال التطور التكنولوجى باستخدام الحواسب ,,
ونركن الامر على الرف وكأننا نعام بندفن رؤوسنا فى الرمال ..
الماده جميله وشيقه ,, وتستحق التقدير اكثر من ذلك ,,
فكرة زيادة درجات الماده فكره تستحق التوقف امامها ,,
وخاصة إن الماده بالفعل مهضوم حقها فى المدارس بشكل لا يستهان به
وبعض الإخوة مدرسى المواد الاخرى يعتبرون الحاسب ماده ترفيهيه ولا يعتد بها ,, مجالات ,,
مع إن كل واحد فيهم بيسابق التانى للحصول على الرخصة الدوليه icdl ,, أكيد من اجل ما سبق وأعلن عنه
بخصوص شرط توفر صلاحيته للتعامل مع الكمبيوتر لحصوله على ترقيات بعد تطبيق نظام الكادر ..
لو بجد عايزين الحال ينصلح ,, لازم يكون فيه توعية اكبر من كدا للإهتمام بلغة العصر
اللى كل الدول تقريبا ًسبقونا فيها ..