السلام عليكم ورحمه الله وبركاته
اليكم هذا المقال وهو يتناول ان شاء الله ما يفكر به معظم طليه اولى طب ان شاء الله ينال اعجابكم
بتحتاج ايه وانتا داخل سنة اولى؟
- بالطو ابيض.
- انابيب اختبار. علشان ال BIOCHEMISTRY أو الكمياء الحيوية و غالبا هم هيدوهالك في القسم
- قفازات طبية. علشان ال ANATOMY
- جهاز ضغط. (مش مهم اوي ممكن تجيبه بعدين).
- هيكل عظمي.
اجيب الهيكل العظمي منين ؟
- الهيكل العظمي ممكن تشتريه من اسره في الكلية (ب 150 لهيكل سنة اولي و 150 لهيكل سنة تانية)، او من المشرحة ( بيبقى اغلي)
- او ممكن تأجره من اسرة لمده سنة وبيكون في حدود 30 او 40 جنيه التأجير.
- علشان ميدحكش عليك حاول تاخد حد كبير في الكلية معاك وانتا بتشتري .. علشان متشتريش هيكل قديم اوي او ناقص .. لأن دوول بيبقى سعرهم اقل
هيكل سنه اولى
الطرف العلوى upper limb
1) عظمة العضد ... humerus
2) عظمة الساعد ( الزند ) ... ulna
3) عظمة الساعد ( الكعبرة ) ... radius
4) عظمة لوح الكتف ... scapula
5) عظمة الترقوة ... clavicle
4 و5 تسمى عظام ال shoulder girdle
الطرف السفلى lower limb
1) عظمة الفخذ ... femur
2) عظمة الساق ( القصبة ) ... tibia
3) عظمة الساق ( الشظية ) ... fibula
4)عظمة الحوض ... hip
عظام القفص الصدرى :
1) عظمة القص ... sternum " قد تكون ملتحمة و قد تكون قطعتين "
2) الضلوع
- الضلع الأول
- الضلع الثانى
- الضلع الأنموذجى ... Typical rib
- الضلع العاشر
- الضلع ضلوع العائمة ... floating ribs " قليلة الأهمية "
3) الفقرات الظهرية Thoracic vertebrae
- الفقرة الظهرية الأولى
- الفقرة الظهرية الثانية
- الفقرة الأنموذجية
- الفقرة الظهرية الحادية عشرة
- الفقرة الظهرية الثانية عشرة
- ملاحظة هامة : طالب الفرقة الأولى غير مطالب بدراسة عظام اليد و القدم و الأصابع ، ولكن يتعرف عليها فى صور الآشعة X-rays
N.B:يفضل لو هتجيب ناحية واحدة تجيبها كلها من نفس الناحية if you will have right humerus it will be better to have right ulna and right radius also & if you will have left hip bone it will be better to have left femur, tibia and fibula also so you could connect each bone with others to get a right upper limb or left lower limb or whatever
هيكل سنه تانيه:
عظام الرأس و العنق :
1) الجمجمة ... Skull " قد تكون بكامل حالتها أو منشورة أفقياً لدراسة التجويف الداخلى "
2) فقرات العنق ... cervical vertebra
- الفقرة العنقية الأولى .. C1
- الفقرة العنقية الثانية .. C2
- الفقرة الأنموذجية
- الفقرة العنقية السابعة .. C7
الحوض pelvis
1) عظمة الحوض ... Hip
الفقرات vertebrae
1) الفقرات القطنية ... lumber vertebrae
- فقرة أنموذجية ... Typical vertedrae
- فقرة استثنائية ... Atypical aertebrae ... L5
2) الفقرات العجزية الملتحمة ... Sacrum " عظمة واحدة فقط "
السنين الدراسية وتقسيمة الاقسام
- 3 سنين دراسة اكاديمية
- اول سنتين (سنه اولى وسنه تانيه ) بيدرس الطالب فيها جسم الانسان وهو سليم من ناحية التركيب و الوظيفة
- المستوى الصغير او على مستوى الخلية او ال microscopic وده في مادة الانسجة او ال Histology
- المستوى الكبير او الاجهزة او ال macro وده في مادة التشريح او ال Anatomy
- الوظيفة بردو بتتقسم لقسمين
- على المستوى الكبير وده علم وظائف الاعضاء او Physiolgy
- او المستوى الصغير او على مستوى الخلية وده الكيمياء الحيوية او ال biochemistry
- وبعدين في الفرقه الثالثه بيشرح الخلل اللي ممكن يحصل في جسم الانسان في صورة microscopic او Grossوده في مادة علم الامراض او ال Pathology
وازاي بتحصل وتأثير البيئة الخارجية علي الانسان في ال bacteriology وParasitology وازاي تعرف تتصرف مع المرض او الخلل ده او ال tool اللي في ايد الدكتور وده في مادة ال PHARMACOLOGY
- بعد كده في 3 سنين اكلينيكية
بتدرس فيهم التعامل مع الامراض بصورة عملية وازاي تعمل diagnosis او تشخيص للمرض ده وكمان treatment او علاج المرض ده بحيث الانسان يوصل للحالة اللي كان عليها قبل المرض واللي اتشرحت بالتفصيل في اول سنتين في الكلية
النتائج والتقديرات
- ممتاز 85% فاكثر
- جيد جدا من 75% الي 85%
- جيد من 65%الى 75%
- مقبول من 60% الي 65%
- ضعيف من 30% الي 60%
- ضعيف جدا اقل من 30%
في حالتين ضعيف وضعيف جدا يعتبر الطالب راسبا
- يمنح طلاب الفرقة الاولي على مكافئة تفوق ثانوية عامة ومقداره 84 جنيه
- يمنح الطلاب الناجحين بتقدير امتياز مكافئة ومقدارها 120 جنيه
- يمنح الطلاب الناجحين بتقدير جيد جدا مكافئة ومقدارها 84 جنيه
- نظام المذاكرة
- نظام المذاكرة في الكلية يختلف عن نظام المذاكرة في ثانوي
- وكل طالب محتاج يعمل نقلة ما بين انظامين
- في الكلية مينفعش تحفظ الموضوع كلمة كلمة
- في الكلية لازم تفهم كويس قبل ما تحفظ علشان تحفظ كويس
- في الكلية يستحسن تسمع الكلام ولو مرة قبل ما تذاكرة علشان بيفرق جامد في المذاكرة
- في الكلية برضو يستحسن انك تقرى الكلام ولو مرة يوم المحاضرة قبل متذاكرة للامتحان لانه بيفرق في التذكر
- في الكلية محدش هيقولك تذاكر ايه ومتزاكرش ايه انتا هتعرف وحدك لما تفتح المادة اكتر من مرة وتعرف الحاجات المهمة من الدروس والمحاضرات
- حل الامتحانات وكتب الاسئلة بيفرق كتير بين طالب وطالب .. الحل الكتير هيساعدك في الامتحان ويمرنك ويخليك تجيب درجات اعلى علشان كده ملزمة الامتحانات مهمة جدا
مشاكل الترجمة((كما وعدتكم))
اول مشكلة بتقابل طالب سنة اولي هي الترجمة واللغة المعظم بيكون مش داخل في مود الكلية خالص ولا عارف يتابع الكلام مع الدكاترة في المحاضرات وحوارات من دي الموضوع من الاخر محتاج شوية وقت وحبة ذكاء في المذاكرة يعني ايه ذكاء في المذاكرة يعني انت مش فاهم الكلام اللي مكتوب بالانجليزي واللاتيني ما تنشفش دماغك بقى وتقول الله مش سايب كلمة الا لما اترجمها وتقعد سايب الدنيا وفاتح القاموس وبتشوف كلمة كلمة لا كدة مش هاتنجز وغالبا هاتقعد تذاكر اليوم كله في صفحة واحدة وكمان انتا مش محتاج المعنى الحرفي انتا محتاج تفهم الموضوع انت تكبر دماغك شوية ترجم حبة كلام وسيب الباقى والمهم حاول تمشي في المنهج يعني تقرا في الكتاب او الملزمة اللي هتذاكر منها وتمشي حبة صفح فيها علشان في سنة اولي غالبا الفصل الاول بيكون كله كلام بيتقال تاني بقية المنهج وبتفهم بعد كدة مع الشرح يعني في حاجات مش هاتعرف تفهمها غير لما توصل لنهاية الChapter وهكذا يبقى تترجم الكملام المهم وتطنش للباقي وهو هايتفهم بعد كدة من السياق حول تركز شوية في الكلام بتاع المحاضرة او السيكشن وحاول تلقط منه اي حاجة معلش الموضوع بيبقى صعب في الاول بس علشان التعود ومتقلقش المحاضرات مش كلها إنجليزى زى ما انت فاكر بالعكس معظم الدكاترة بيتكلموا عربى عادى والانجليزى بس للمصطلحات الطبية
وهناك بعض المواقع التي توفر خدمه الترجمه الطبيه بدون تحميل اي برامج او قواميس ان شاء الله تنال اعجابكم وبعد اذن الاداره هذه ليست روابط دعائيه او ما شابهه وانها فقط للمساعده في الترجمه وهي جميعها مواقع اجنبيه
الموقع الاولhyperdictionary.com/medical
الموقع الثاني medical-dictionary.thefreedictionary.com
الموقع الثالث emro.who.int/umd
لاحظوا انه يجب اضافه www. قبل اسم اي موقع
كما اني افضل الموقع الثالث لانه خاص بمنظمه الصحع العالميه وهو معجم طبي موحد سائلين الله ان يوفقنا جميعا لما يحبه ويرضاه
مصادر المذاكرة:
طيب تاني مشكلة بتقابل سنة اولى هي مصدر المذاكرة والواحد فاكر والله انه كان بتضحك عليه بشكل في سنة اولى وكان بيجيب للمادة الواحدة يجي 3 او 4 كتب غير طبعا الورق والملخصات والكلام ده بصراحة ماينفعش خالص من الاخر اختار مصدر واحد شوف فيه حبة شروط مهمة
- يكون مبسط كدة ولغته سهلة ( بلاش كلكعة والنبي وماتعملش فيها رامبو لحسن تشرب في اخر السنة)
- يكون مشروح على هيئة نقط ( يعني مش سايح كدة على بعضه ما تعرفش تجيب راس الموضوع من رجليه)
- يكون قصير ومختصر وفي نفس الوقت مغطي النقط الاساسية (وانا عارفة اللي بتفكروا فيه قصير ايه وبعدين يجي الامتحان من براه لا يا جماعة ما تقلقوش الامتحان بيجي غالبا من الحاجات البيزك مش بيدورو على الحاجات الرفيعة المتطرفة والمنهج طويل وحدة لو انت ذاكرت من مصدر طويل عمرك ما هتخلص المنهج حتى قراية يعني تذاكر فرعين بس في المادة 100% وتسيب الباقي ولا تذاكر كل فروع المادة 80% بالعقل كدة احسبها)
- اوعي اوعي اوعي - 3 اوعى - تجيب مصدرين لنفس المادة وتقعد تذاكر في كل واحد شوية او تيجي في نص السنة كدة وتقول انا هاغير مصدري للمذاكرة وتيجي تهد من الاول وتبدا تذاكر الكلام تاني بس من المصدر الجديد لا لا لا
وبلاش تقعدوا تيجيبوا كل شوية ورق ورق ورق علشان بيلخبطكوا جدا جدا جدا وبتقعدوا كدة قدام الورق تقولوه اكلك منين يا بطة وكمان في الاخر بيتنصب عليكوا والورق بعد كدة بيترمي
- احسن مصدر مذاكرة هو المصدر العام .. يعني لو في كتاب قسم الدفعة كلها والقسم ملتزم بيه ده بيبقى حلو جدا ومناسب
وفي النهايه ما كان من توفيق فمن الله وما كان من ذلل او نسيان فمني ومن الشيطان اسال الله لنا جميعا التوفيق والسداد وفقنا الله واياكم لما يحبه ويرضاه ولا تحرمونا من صالح دعوه بظهر الغيب
والسلام عليكم ورحمه الله وبركاته
__________________
((كلا ان معي ربي سيهدين))
|