الف مبرووووووووك ياقطرات المطر
اول حاجة استعيني بالله وخلي عندك ثقة في توفيقه
تاني حاجة خليكي واثقة من قدراتك واعرفي حدود قدراتك في مادتك كويس جدا
ثالث حاجة حاولي تنمي قدراتك دي وتطوري من اساليبك في الشرح والتدريس
رابع حاجة خلي علاقتك بالجميع طيبة واحترمي من هم اكبر منك سنا في المدرسة ومن هم اقدم منك في المادة وحاولي الاستفادة من خبراتهم ولكن لا تطلبي منهم المساعدة ولكن تمتعي بقليل من الذكاء وحاولي استنباط تلك الخبرات منهم
واخيرا ... وليس آخرا
لازم تكوني متمتعة بقدر كاف من التمكن من مادة تخصصك عالمة بمواطن الضعف والقوة فيها حتي لايسألك احد الطلاب سؤالا لاتعرفين اجابته
لان اهم شيء في علاقتك بالطالب انه يكون :
1- بيحبك ويحب حصتك
2- واثق في قدراتك وتمكنك من المادة
وقبل اي حاجة لازم زي ماقلتلك في الاول تستعيني بالله وتتوكلي علي الله وتسأليه التوفيق
ونصيحة اخيرة في تعاملاتك داخل الفصل
تجنبي العنف البدني او المعنوي
يعني بلاش ضرب او شتيمة
يعني حاولي تحولي الشغب داخل الفصل ( طاقة كامنة داخل الطلاب ) إلي طاقة تستغل في العمل داخل الحصة وفي اطار الدرس الذي تشرحيه
مثال بسيط :
سؤال موجه لمدرس رياضيات
بيقوله الموجه : " تعمل ايه لو طالب رماك بطباشيرة وانت واقف بتشرح علي السبورة ومديله ظهرك وانت متعرفش هو مين ؟"
المدرس كان ذكي فقاله الطباشيرة جت فين ؟
رد الموجه وقال : " في السبورة "
فقال المدرس : جميل جدا .. يبقي الطباشيرة دي اكيد هتسيب مكانها نقطة علي السبورة
رد الموجه وقال : طبعا
فقاله المدرس : خلاص هعتبر ان النقطة دي تمثل مركز دائرة ما م وليكن نصف قطرها 5 سم ورسم بها القطر أب ومن نقطة أ رسم أ جـ = 4 سم ثم رسم أ م شعاع فقطع الدائرة في نقطة د ......................................... ؟
وبقت النقطة اللي عملتها الطباشيرة مركز دائرة واتحول الشغب لمسألة
وهقول للطلبة ياولاد زميلكم اللي رمي الطباشيرة دي عملنا مركز الدائرة ولازم نشكره علي كده
ودلوقتي المسألة دي عايزين نحلها مع بعض
هاااا
ايه رأيكم مين يعرف يحلها ؟!!!! ....
ايه رايك ياقطرات المطر
اتمني اكون افدتك بحاجة
انا سني صغير وخبرتي في التربية والتعليم سنتين تربية عملي وسنتين بعد الكلية ..... بس
لكن اتعلمت كتير لاني اخدت الموضوع جد من اولها وكنت مصر اني اكون متميز عن زملائي والحمد لله ربنا اكرمني بكده
والبركة في اساتذتنا علي المنتدي كلهم بركة وخبرة ويزيدوني انا وانتي من خبراتهم ...
هذا والله من وراء القصد ومن وراء السبيل
والحمد لله الذي هدانا لهذا وماكنا لنهتدي لولا ان هدانا الله
وسلام علي المرسلين
والحمد لله رب العالمين
__________________
الكثير من الفاشلين في الحياة هم أناس لم يدركوا كم كانوا قريبين من النجاح عندما قرروا الاستسلام عن موقع الأستاذ / عمرو خالد أفضل الطرق التي تجعلك تتنبأ بمستقبلك هو أن تصنعه بنفسك ستيفن كوفي قيمة الانسان هي مايضيفه الي الحياة بين ميلاده وموته د/مصطفي محمود
|