[نقاء الروح]

انا قرأت المشكلة والحلول المدرجة ،

بس فيه بعض النقاط ،

اول حاجة ، انتي قلتي انك التزمتي بعد ماكنتي مقصرة
فكنت عاوزة اعرف ازاي كان تعاملك معاهم قبل التزامك ،
يعني كانت علاقة صحوبية و علاقة قوية ،
ولا ،


لانه لو العلاقة كانت صحوبية وانقلبت بعد التزامك
لانك شفتيهم بيعملوا حاجات غلط و حرام فوجهة نظرك
فأنتي بدأتي تبعدي تعصبي عليهم او تقولي ده حرام ده غلط ده و ده
فأدى لانهم ينفروا منك /
او خليتهيم ياخدو فكرة وحشة عن الالتزام
فبعدوا عنه وعنك ،
بدليل كلام مامتك انها هتدخل النار ......

فأنتي حاولي تحسسيهم انك اتغيرتي للاحسن
بس معاملتك ليهم و علاقتك بيهم لسة كويسة
بل انك عشان بتحبيهم عاوزاهم يكونوا ملتزمين زيك ،

لانه ده غلط كتير بيقع فيه بعد التزامه ،

النقطة التانية اخوك مش انطوائي ، وعلاقته مع مامته كويسة جدا،
معناها انه اخوك مش عندو مشكلة ،
و بيرجح الفرض ال فرضته فالاول ،
وعاوز بس شوية نصح بس بشكل غير مباشر ،
ممكن تسمعيه عمرو خالد
جميل جدا للشباب ،
ونفس الشيء مع مامتك ،
صاحبيها ، دردشي معها فالبداية فأمور عادية
شوي شوي هتلاقيها بتسمعلك ،

وان شاء الله ربنا يهديهم ،
وعليك بالدعااء ،
وفرج الله كربك و ازال همك ،