[destroyer.sasa]

المشاركة الأصلية كتبت بواسطة طالبة من الإمارات

السلام عليكم أستاذه أم شاهندة .. أتمنى أن تكوني بأتم الصحه والعافيه
معلش كان عندي استفسار : دلوقتى أنا سألت في موضوع التحويل بين الكليات المناظرة
والجواب كان غير اللى سمعته في المنتدى هنا امبارح ..

سألنا شؤون الطلاب في جامعة المنصورة : وقاللنا أن التحويل بين الكليات المناظرة ده معناه التحويل من كلية لكلية أخرى
بس بنفس المجموع ..

يعني مثلاً واحد راح طب أسيوط بنسبة 98% وهوة من القاهرة يقدر يدخل صيدلة بنفس النسبة اللى هيا 98%

فممكن يحول لصيدلة فقط مش لـطب كمان لو كان طب القاهرة واخد أعلى من طب أسيوط .

فـ معنى كده إنى مثلاً في طب إسماعليه وعايزة أروح طب المنصورة والفرق بينهم حاجة من عشرة

هل ده معناه إنى مقدرش أروحها ؟ لإن ده الكلام اللى سمعته من شئون الطلبة في المنصورة

مع إنى والله سمعت إن السنة اللى فاتت صحبتى جالها هندسة أسيوط وراحت هندسة إسكندريه

أنا بجد متلخبطة ؟ طب أسأل فين على الموضوع ده ؟ ومعلش الكلام اللى حضرتك بتقولى عليه سمعتيه من فين ؟

ولو عايزة أنقل أسأل ف الجامعه اللى عايزة أروحلها ولا الجامعة اللى جاتلى ؟

شكراً جدا وآسفة على الإطالة وكل عام وأنتم بخير ..

لا يا طالبة بتسالي في الكلية اللي جاتلك
يعني انا مثلا جاتلي صيدلة الزقازيق هروح يوم الاتنين ان شاء الله اسالهم ينفع احول صيدلة المنصورة ولا لا بس اللي انا سمعته وناس قرايبي حولوا عادي جدا مفيش مشاكل يعني