اقتباس:
ممكن اعرف كل المعلومات عن كلية الهندسه فى جامعة النيل و الجامعه البريطانيه
من حيث سعر الدراسه
|
الجامعة البريطانية : 4500 استرلينى .. يعنى فى فيما يعادل 39500 ..
او تقدر تقول 40 الف بعد مصاريف التقديم والحاجات التانية
جامعة النيل : المبلغ بصراحة مش معروف بالظبط بس هوا فى حدود الـ 60 الف
الجامعة البريطانية : مدينة الشروق على طريق مصر الاسماعيلية الصحراوى
جامعة النيل : مقرها المؤقت فى القرية الذكية و المقر الدائم فى الشيخ زايد
الله اعلم بقى اتنقلوا ولا لسـه
الجامعة البريطانية : مدنى - كهربا واتصالات - ميكانيكا - بترول
ج
امعة النيل : حاسبات - اتصالات - صناعة
اقتباس:
|
والفرق بين جامعة النيل و الروسيه و البريطانيه حيث ان هناك فارق كبير فى الاسعار
|
الفارق فى الاسعار بتتلاقيه غالبا جاى من كذا حاجة
1- اتفاقيات الشراكة بين الجامعات :
عندك مثلا جامعة زى جامعة النيل عاملة اتفاقية مع جامعة مينيسوتا وميامى
ودول جامعتين فى امريكا مافيش خلاف عليهم ..
جامعة مينيسوتا واخده السابع ع العالم .. وميامى الـ 198 ع العالم
http://www.webometrics.info/top12000.asp
وطبعا من المؤكد ان الشهادة نفسها بتبقى معتمدة منهم
عشان كدا تلاقيها هيا أعلى سعر
بالنسبة للجامعة البريطانية فهيا عاملة اتفاقية شراكة مع جامعة لوفبروف
ودى تصنيفها الـ 542 ع العالم ..
فانتا لما بتاخد الشهادة بتبقى معتمدة ومعادلة منهم .. شهادة مزدوجة يعنى
معتمدة من وزارة التعليم العالى ومعتمدة من الجامعة اللى معمول معاها اتفاقية الشراكة
الجامعة الروسية بتقدم شهادة مستقلة .. بس فى نفس الوقت بتدى فرصة للمميزين
فى انهم يكملوا تعليمهم فى روسيا فى الجامعات اللى برده معمول معاها اتفاقيات شراكة
زى سان بطرس برج و موسكو
2- البرامج الدراسية :
بالنسبة لجامعة النيل .. اول ماتعملت اصلا ماكانتش معمولة للطلاب
كانت للبحث العلمى فقط .. وللخريجين اللى جايبين جيد جدا وامتياز وفى تخصصات معينة
واغلبها فى مجال الاتصالات
من اول السيمستر بتاع 2009/2010 دى كانت بداية افتتاح برنامج الطلاب من خريجى الثانوية العامة
وهنا بتتضح اهمية الجامعة وسر غلو مصاريفها
بالنسبة للجامعة البريطانية فااكيد برده هاتلاقيها مستمدة مناهجها من المناهج البريطانية
وكذلك الجامعة الروسية
3- تاريخ انشاء الجامعة :
تاريخ انشاء الجامعة بيبقى مهم جدا ..
لان كل ما الجامعة كانت لسه جديدة كل ماكانت لسه مش معروفة
ودا بيفسر سر رخص المصاريف فى الجامعة الروسية نوعا ما عن غيرها
ودا لانها منشأة من عهد قريب من سنة 2006 تقريباً