[سرى جدااا]

المشاركة الأصلية كتبت بواسطة the coder

موضوع والدتك ده هافكر فيه بإذن الله و هاحاول الاقي فكرة حلوة تساعدك
لكن متحرميناش من اننا نعرف التطورات اول بأول
و متحرميناش من دخولك المنتدي و اطلالاتك علينا يعني
و اعرف بإذن الله انك جيتي المكان الصح علشان تناقشي مشكلتك
و بإذن الله هانحاول نلاقيلك حلول جذرية
بس وقت بس

طبعا طبعا مش هطلع من هنا باذن الله الا واحنا معانا حل للموضوع ده علشان ارتاح بئه باذن الله
جزاك الله خيرا ع الرد والتعب معايا فى المشكله
هقولك بئه ايه اللى حصل قولت لبابا زى ما اتفقنا انه ما يديهوش مصروف
قالى طبعا استحاله اعمل كده قولتله ليه وقعدت اتحايل عليه
قالى هو عنييييد جدا ولو عملت كده هيعند معايا اكتر ولو حتى صلى هيبقى بيصلى علشان الفلوس
قلتله معلش يا بابا يمكن قلبه يبقى موصول بربنا وربنا يهديه مع الوقت قالى انا استحاله اعمل كده
وبصراحه حسيت انه مش موافق تماما
قالى الحل الوحيد هو الدعاء وبس
قلت ماشى وعملت فكره كده جات فى بالى
جدى كان معزوم عندنا وهو بيخاف من جدى لانه شديد اوى وكمان هو شيخ ما شاء الله
قلتله عليه انه مش بيصلى وع الاستهتار اللى هو فيه
قام فزع فيه جامد وقام واخده معاه على صلاة العشاء والتراويح
وكان جاى من شويه على وش الفجر من بره (كان سهران مع اصحابه)دخل صلى الفجر
بس يا جماعه انا مش متفائله خالص لانه مش هيكمل
والله الموضوع ده حصل مليون مليون مره ومكملش
اديله خطبه يسمعها وتأثر فيه يصلى شويه والاغانى والافلام والمسلسلات بترجعه
معلش انا اسفه ع التأخير ف الرد