[حميد بدوى]

الاستاذ مجدى الكردى

باع عفش بيتة

علشان يصرف على ائتلاف

لدعم جمال مبارك

ومصر باعت عفشها وعفشتها

في عهد الرئيس مبارك

ياترى ياعم مجدى ياكردى


فية اية تانى ينباع

بما ان كل واحد له نصيب

ف اسمة انا بسألك؟؟

انت مصرى مصرى

ولا كردى كردى

ولا حتة بتاع

وبيقول مبارك يبقى مرجعية

بأمارة اية؟؟؟؟؟؟؟؟؟

الفساد ولا الخيبة القوية ولا الضياع

وقاعد تتكلم عن الامن والامان

امن المواطن المصرى انه يكون له كيان

طيب انا راضى ذمتك

فى حد مصرى

فى الدنيا له كيان

المصرى الوحيد

اللى بقى لا بينشرى ولا بينباع

طبعا غير لاعب الكورة والفنان

والفضل كله يرجع للاب الحنون

اللى همش تمانين مليون

وبتقول جمال المستقبل

الله الله اكبر

هو فية حد بيحكم غير جمال

ما بلاش عبط هو احنا شوية عيال

ما الدولة كلها تحت طوعة

والوزرا الخدمين بتوعة

ولا انت عامل مش واخد بالك

يا حضرة البتاع

انا فية حاجة محيرانى

ازاى انت بتحب مصر وف نفس الوقت

بتحب جمال

وهى فين مصر ياولاد الحلال

بتقول السادات هو السبب

الاول والاخير فى الفساد

فعلا لان سيادة الريس

كان مشغول تلاتين سنة

بيحضر ابنه علشان

يرفع راية البلاد

ياراجل بلاش خيبة

دا انت صداع



الشاعر
عبد الحميد بدوى