اسمحولي اقول حاجه يمكن تكون مفيده
مع ان خبرتي طبعا تعتبر لسه صغيره بالنسبه لباشمهندس محمود
بس انا هقول اللي حصلي عن نفسي
انا كان اقربلي هندسه عين شمس بكتير اوي من القاهره
بالاضافه ان اعدادي القاهره نقلوها في سته اكتوبر
يعني يعتبر سفر الي حد ما
بس مع ذلك دخلت القاهره عشان كانت فيها اقسام اكتر من عين شمس
فحبيت يبقي قدامي اختيارات كتيره
ده غير اني كان نفسي في طيران يعني
بس بعد مدخلت ودرست المواد وحاجات حبيتها وحاجات لاء واقسام سمعت عنها كلام حلو واقسام العكس
استقريت في الاخر علي قسم اتصالات
وهو قسم موجود في عين شمس اللي مرضتش ادخلها عشان قله الاقسام اللي فيها
طبعا سبب تاني انها اصعب يعني بس ما علينا
طبعا كلامي ده مش معناه زي مهو ظاهر منه
لاني انا رغم التعب اللي تعبته في المسافه فانا مش ندمان الحمد لله خالص علي اختياري ولو الايام رجعت هختار نفس الاختيار
فأنا رايي ان دخول الجامعه الاكثر شهره والاكثر اقسام احسن
ده طبعا رايي الشخصي والله اعلم
لكن يتفضل نقطه مهمه جدا
وهي كون ان المسافه قد تكون طويله لدرجه انها تخلي هندسه قنا افضلك من اسيوط لانك طبعا بنت مش ولد
والبهدله بالنسبالك هتبقي صعبه اووووي وانا مجرب وشايف بصراحه ان البنات ملهاش في بهدله الواصلات ديه خالص
لان في ساعات هتتاخري لاوقات صعبه
وفي ساعات مش هتلاقي حاجه تركبيها
او هتلاقي بس هيبقي زحمه جدا بحيث انك مش هتقدري تركبي خالص
الا اذا كان فيه مدينه جامعيه فديه مش هقدر اقول راي فيها لانها تتوقف عليكي وعلي والدك ووالدتك وكده يعني
معلش علي التطويل ده بس حبيت اقول الاحتمالات المختلفه لاني معرفش ايه نظام المسافه بين قنا واسيوط اوي يعني
وربنا يعمل اللي فيه الخير ان شاء الله
__________________
لا تقل يا رب عندي هم كبير ولكن قل يا هم عندي رب كبير
|