بالنسبة ليا مشوار طنطا متعب جدا في المواصلات والسنة دي مش زي اللي فاتت يعني هتحتاج حضور شوية ولو علي الاقل في مواد الاحصاء والمواد اللي باللغة الانجليزية
مشوار طنطا بياخد مني حوالي 3 ساعات في الطريق
فكرت في حل افضل اني اكمل الدبلومة دي في جامعة المنصورة ( جامعتي وافتخر بها وبكل شبر فيها )
كليتي انا عارف الدكاترة فيها وشايف انها افضل من جميع النواحي
اولا المصروفات اقل حوالي 500 جنيه واقل كمان ... ودي متفرقش معايا المهم راحتي الفلوس مش بتفرق معايا
ثانيا المسافة اقل بكتير انا بيني وبين الجامعة نصف ساعة فقط
ثالثا المواد ثمانية مقسمة علي ترمين اربع مواد كل ترم وكده احسن من ترم واحد مدة الامتحانات بتبقي طويلة
رابعا التقديرات : بالرغم من صعوبة التعامل مع دكاترة المنصورة ( كما يقولون ) الا ان التقديرات عادية وزي طنطا كمان وزمايلي جايبين 88 % و 89 % وفيه ناس جابت الامتياز كمان يعني مفيش فرق في التقديرات
انا عامل حسابي اصلا سواء في طنطا او المنصورة لازم احضر المحاضرات لان السنة دي مختلفة عن اللي فاتت ومحتاجة مجهود شوية
واكيد المنصورة افضل بالنسبة ليا وهكون مرتاح علي الاقل في المواصلات
وكمان المحاضرات فترة مسائية تبدأ من بعد الساعة 2 او 3 ظهرا
ما بالنسبة للقسم اللي هختاره فاول اختيار امام هو
قسم المناهج وطرق التدريس
قسم هادف وحاسس اني هتعلم حاجة مفيدة لكن قسم تربية مقارنة مش هيضيف ليا جديد
الاختيار الثاني
قسم صحة نفسية
قسم سهل ودكاترته كويسين جدا في المنصورة وتقديراتهم عالية وطبعا هيضيف ليا جديد
اتمني التوفيق للجميع
بجد اتشرفت بمعرفة كل فرد في كلية التربية جامعة طنطا
وتحياتي وسلامي لكل شخص قابلته او كلمته ولو علي الايميل
وطبعا مش هنسي اخواتي الكويتيين يارب مايكونوا نسيوني بس
اشوفكم علي خير ويارب دايما في تمام الصحة والعافية
ودعواتي لكم بالتوفيق الدائم ومن نجاح الي نجاح
__________________
الكثير من الفاشلين في الحياة هم أناس لم يدركوا كم كانوا قريبين من النجاح عندما قرروا الاستسلام عن موقع الأستاذ / عمرو خالد أفضل الطرق التي تجعلك تتنبأ بمستقبلك هو أن تصنعه بنفسك ستيفن كوفي قيمة الانسان هي مايضيفه الي الحياة بين ميلاده وموته د/مصطفي محمود
|