[quote=eng7oudash;2588787]
رأيى انا بقى .. ان الهندسة مش صعبة ولا حاجة
حلو في حد متفائل اهو
.. عاوزة شوية تعب بس .. و مش كتير
ما احنا كنا ماشين كويس ليه التعب
بس مش اشكال انا غاويه تعب
مجنووووووننه
على قد تعبك هيكون مستواك .. ممكن تقضيها لعب و تزاكر على الامتحانات بس و تنجح بالعافية
فكره برده
بس تقترحولي ايه العاب
هههههههه
و ممكن تزاكر نص مزاكرة بس مستمرة و تنجح بتقدير ميقلش عن جيد
و ممكن تزاكر مزاكرة كويسة شوية و تجيب جيد جدا و امتياز كمان
و ممكن توسع اكتر و تنزل و تشوف الناحية العملية كمان عشان متبقاش مهندس فى النظرى بس .. تبقى مهندس صح
يا ريت والله يا بشمهندس انا نفسي اكون مهندسه بجد
اقولكو حاجه بس متضحكوش عليا
انا نفسي اتعين معيده في كليه هندسه
بصراحه هو ده هدفي في الكليه
طبعا اهم حاجة الحضور فى الكلية .. مش عشان الغياب بس .. لكن لان فعلا الحضور مفيد حتى لو مش هتفهم اى حاجة
اكيد يا بشمهندس ان شاء الله هحضر بالتزام
دعواتكو معايا
معلش بقى سندريلا انا بتكلم بصيغة المذكر عشان يبقى الكلام للكل
ههههههههههههه
ولا يهمك
اذا كنت انا احيانا بتكلم كده
انت فكرتني بموقف احرجني
كنت في حصه انجلش والاستاذ عايز ياخد كشكولي يصححه في البيت مش في الحصه شاطره بقي وملياله الكشكول حل
المهم انا كنت محتاجه الكشكول اكمل عليه تاني
فقلت للاستاذ قدام المجموعه كلها
طيب انا عايز الكشكول خليها المره الجايه
والمجموعه كلها بقيت تضحك عليا حتي الاستاذ وانا مش حاسه اني بتكلم بصيغه المذكر
هههههه
والله الدروس ده بتبقي مليانه مواقف
الله يرحم ايامها
و مش عارف انا بتكلم فى موضوعكو ولا مسكت كلمه و رغيت فيها
عادى بقى .. احنا مهندسين مع بعض نعمل اى حاجة 
ده اكيد كل واحد يقدر هنا يقول اللي عاوزه وبعدين ما احنا هنستفيد من الكلام ده برده
و سورى على الدخلة السخنة دى من غير سلام عليكم حتى
و السلام عليكم
وعليكم السلام