هي بصراحة سنة مهمة جدا ومحدش يستهتر بيها ابدا ..
وياريت متسمعوش لكلام الناس اللي بتقول دي سنة لعب والمفروض متذاكروش فيها لانها اساس لتانية ثانوي..
بالاضافة انك لو ريحت /ريحتي في اولى هتريح /هتريحي في تانية وتالتة يعني التفوق لازم يكون مستمر ..
ولازم مذاكرة اول باول بس متتغضتوش على نفسكم في اولى اوي لان الضغط هيبقى لازم في تانية وتالتة لانهم هم اللي لازم نشد حيلنا فيهم..
يعني الخلاصة اساس تانية سنة اولى ثانوي لازم مذاكرة الفيزياء والرياضة بالورقة والقلم والحل الكتير ..
كمان بالنسبة للاحياء فاتكوا على الرسومات جدا لانها لازم بتيجئ في الامتحان..
بالنسبة للتاريخ فهي مادة حفظ بس مشكله التاريخ انو كبير بس ممتع..
الانجلش سهل جدا ومحتاج حفظ كلمات كتير بالاضافة للجرامر...
العربي ركزوا على البلاغة والنحو بالنسبة للقصة فهي ممتعة وسهلةجدا. ..
النصوص حفظ ..
بالنسة للغة التانية اين كانت فيي محتاجة حفظ كلمات وجرامر مش اكتر لان لازم عشان تدخلو تانية لازم يكون عندكم اساس في اولى يعني المدرس او المدرسة مش هيفضلو يعيدوا ويحفظوكم من اول ..لا لازم تبقو صمين اللغة التانية عشان في تانية هتبداوا في حاجات تانية ومحتاجة لمذاكرة كتير وليها علاقة باولى ..
يعني لازم تضمنوا اللغة التانية ..
بالنسبة للدروس فانصحكم تقللو منها في اولى يعني تعتمدوا على نفسكم بمكن بس في الحاجات المهمة اوي زي الانجلش واللغة التانية يعني المادة اللي تحسوا نفسكم فيها مش فهمنها خدوا فيها درس او مجموعة ..
كمان انا ما بشجعش الدروس لانها تتضيع للوقت ..
بالنسبة للغات التانية كلها سهلة سواء كانت الماني او فرنساوي او ايطالي بس اسهلهم الايطالي والالماني سهل كمان الفرنساوي هيفيدكم بعدين بس هو سهل وممتع ..
بالنسبة لاوقات المذاكرة فيعني افضل اوقات بعد صلاة الفجر وفي وقت العصر وبعد العشاء ..
وياريت تبدوا بالاصعب وتخلو الرياضة على بالليل و تذاكروها قبل النوم عشان بتشغل العقل..
وياريت متشتتوش نفسيكم يعني متذاكروش من كذا حاجة يعني العين بتحفظ ..
سنة اولى زي ما قولت سنة سهلة وممتعة بس بردوا محتاجة لمذاكرة..
وياريت يبقى في مساعدة مابين الصحاب يعني ماتبخلوش على بعض كل اللي عارف حاجة يفيد زملائة وصحابة يعني اخدتم حاجة مهمة في الدرس بلغ /ي صحابك وفيدهم عشان ربنا يسترها معاكم..
ارجو اني مكنش طولت عليكم ورينا يوفقكم ويوفقنا احنا وجميع المسلمين والمسلمات ويحقق ليكم كل اللي نفسكم فية وتدخل احنا وانتم احسن الكليات..
في رعاية الله..
__________________
________
|