[shimaa2009]

المشاركة الأصلية كتبت بواسطة عبد الله الرفاعي

طاب ياجماعة ليه مفيش حد قالى على الموضوع الجامد ده.... يعنى هو انا لازم اكون أخر من يعلم

ياعم رضا لمل تلاقى حاجة جميلة زى دى فى المنتدى ابقى ادى اخوك (مسدج)

ههههههه شوفت بقا يا استاذ عبدالله مش بيعرفوك بحاجه خالص

انا بهدى النفوس بس ههههههه

لا والله ممكن ماجاش فى بالهم ان حضرتك مش عارف

*لو ظهر في داركم بئر نفط ... هل ستخبر الدولة أم لا؟
أكيد طبعا ...ودا لانى مش هقدر اتصرف فيه لوحدى وممكن أأجر البيت للحكومة لكن بشرط يسمو البير باسمى(عوبد الورد)

*لو قدر لك أن تدخل السجن فماهي القضية التي تتمنى ان تدخل بها إليه ؟

طاب وليه الأذيه بس
عموما اتمنى أدخل السجن فى قضيةقتل مسئول مصرى معروف احتفظ باسمه لنفسى حتى لايكون الاعتراف سيد الأدلة(على فكره مش الريس)
*أنت مكلف بحذف حرفين من حروف اللغة العربية .. أيهما ستختار ولماذا ؟

كيف تسألى مدرس لغة عربية هذا السؤال؟
أتمنى ان تزيد حروف اللغة العربية لا ان يحذف منها وعشان خطرك بس
هحذف (الياء بطة)فقط وكفاية كده دون ابداء أسباب

*في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟

القنبلة هتكون من نصيب (تامر حسنى) وللى يزعل يزعل
أما الوردة الحمرا والله لسه ربنا لم يأذن بصاحبة النصيب فى الوردة ولذلك هتكون من نصيب الحاجة أم عبدالله

*يقال أن الكتابة محاولة للطيران بطائرة ورقية .. مجرد أحلام في الهواء .. ما رأيك أنت ؟

الكتابة هى هبة من الله عز وجل لا تأتى الا لصاحب الذوق الرفيع والعاطفة الجياشة والأسلوب الحى.
فالكاتب دون أن يشعر تأتيه الكلمات سهوا ورهوا..وتنسال عليه الأخيلة انسيالا..فيحلق بها فى عالمه الساحر ليطرز الكلمات مكونا اجمل العقود.
وأنا اتفق مع هذه المقولة تماما.


*بجملة واحدة فقط أكتب تعريفاً لكل كلمة من الكلمات التالية:
الوطن :لو شغلت بالخلد عنه نازعتنى اليه فى الخلد نفسى

الأم :..................................
الليل ::وليل كموج البحر أرخى سدوله على.:.بأنواع الهموم ليبتلى
ألاأيها الليل الطويل ألا انجلى بصبح.:.وماالاصباح منك بأمثل

الصمت :وجدت صمتى متجرا فلزمته فكان خير تجارة

أمريكا :أقول ايه وأعيد ايه خلصنا فيها كل الكلام

المرأة :المراة الذكية مخلوق خطر ...المرأة الغبية مخلوق تافه

الإنترنت :لسه مصاحبه من 6 شهور فقط لكن استفدت منه كتير



*على افتراض أن كائناً أتى من المريخ ووجد أمامه صحيفة ، برأيك كيف سيعرف أنها صحيفة عربية؟

اولا :سيفاجأ بصورة الرئيس فى الصفحة الاولى
ثانيا: بجوار صورة الرئيس صور القتلى والجرحى فى أنحاء الوطن العربى
ثالثا: مملؤة بحوادث القتل وال******
رابعا: اكيد هتكون مكتوبة باللغةالعربية

*كيف تتخيل العالم دون هذه الأشياء ( القهوة ، الكمبيوتر ،، أمريكا ، ) ؟!!
القهوة: عن نفسى مبشربهاش لكن اعتقد ان العالم من غيرها مش هيكون متكيف
الكمبيوتر :مكنتش هجاوب على الاسئلة الجميلة دى
أمريكا: طاب ومين يدينا المعونة ويقهرنا ويحتلنا خلاص أمريكا اصبحت أفيونة الشعوب
*اختر منصباً واتخذ قرارا ! ؟

وزير الاوقاف..والقرار :الغاء وزارة الاوقاف

ليه بس عاوز تلغيها

*عاد المتنبي وقصدك لتبحث له عن عمل ، ماذا ستقترح عليه ؟
يشتغل فى البلديه.. مش هو اللى قال:
ولا انت يامصر بلد الأديب.:.ولا انت بالبلد الطيب

*يقولون أن أنظمتنا العربية متسلطة على شعوبها .. لكي تنشأ جيلاً صبوراً أمام المحن !
ما تقول أنت ؟
أقول ان الانظمة العربية عامله زى الجار السو(الوحش يعنى) ودا
تصبر عليه يايرحل ...ياتجيله موته تاخده

*أختر خمسة أعضاء من المنتدى وامنحهم ألقاباً ؟

ا/رضا عطية.............ملح وفلفل وشطة المنتدى (البهارات يعنى)
أ/عبدالله حسن رياش.................. مثقف المنتدى
أيه كمال.................شعلة المنتدى
تسابيح النجوم............. عقل المنتدى
يارا عطيه....................أمل المنتدى

يابختكم دى شهاده اعتزو بيها بقا

*وجه رسالة لشخص لا يعرفه إلا أنت ؟

يابنى سيبك من الحزب الوطنى صدقنى الفلوس اللى بتجيلك من وراه دى فلوس أيتام وفيها شبهه(والمعنى فى بطن الشاعر)
*ما هو لون النسيان؟

الرمادى

انتهيت وشكرا على هذه الاسئلة الجميلة

لا شكر على واجب يا أستاذ عبدالله نورت التوبيك