اقتباس:
المشاركة الأصلية كتبت بواسطة mmeegypt
لو قرأت مشاركاتى كويس هتلاقينى قلت ان الخبر ده تم نشره سابقا ولكن ليس بهذا الاسلوب
وماجعلنى اعيد نشره هو وجود بعض المعلومات الجديدة
مشكلتنا أننا شعب لانقرأ جيدا على رأى العضو الفاضل
( elmister )
اما انك تقول ان جريدة الوفد غير موثوق فيها فلا يمكننى الرد عليك فى هذا
مصر والعالم تعترف بهذه الجريدة اما انت فلا تعترف بها فهذه حرية شخصية
تقبل تحياتى
|
اولا ردك بيوحى كأنى بانتقدك لما باقول ان الخبر متفبرك او منقول او قديم
مش معنى انك ناقل خبر انك تدافع عن صحته
ثانيا جريدة الوفد اصلا ليست ذات مصداقية بالنسبة لى على الاقل وياما اخبار متفبركة قريتها فيها
وازاى هى جريدة العالم يعترف بيها مش فاهم بصراحة
حاليا الجريدة رقم واحد فى مصر هى المصرى اليوم تليها الدستور ثم تأتى من بعيد الاهرام اليومى والمسائى والجمهورية والاخبار وبعدهم اليوم السابع
دى وجهة نظر من خلال ناس كتير جدا مش منى انا فقط
واصلا معنى ان الخبر قديم والوفد جايباه باسلوب جديد زى ما انت كاتب انه منقول وقديم يعنى يفتقد للمصداقية
وبالنسبة للنقطة اللى اثارتنى واللى مالهاش لازمة فى ردك خالص
جملة اننا شعب لا نقرأ جيدا وعلاقته بردى
يعنى انت شايف ان ردى مش مناسب للموضوع؟؟؟؟؟؟؟؟؟؟؟؟؟؟؟؟؟؟؟
بصراحة مش فاهم يعنى انت عايز تحط موضوع واللى يعلقوا لازم يتبعوا نمط تفكيرك ويلزموا بالردود اللى انت عايزها؟؟؟
منتدى يعنى كل واحد يقول رأية براحته ولو فيه اختلاف اهلا بالمناقشة ويا الاقتناع يا الافتراق بدون خلاف شخصى
وشكرا