[أ/رضا عطيه]

المشاركة الأصلية كتبت بواسطة ايه كمال

بسم الله الرحمن الرحيم

زى ما وضح استاذ رضا اننا كل يوم هنكون فى بيت عضو

ونبدأ بأستاذنا


أستاذ رضا عطيه


ونحب نعرف منه


كيف تستقبل شهرنا الكريم
طبعا كأى مصرى
ينتظر الشهر المبارك ليكون أكثر قربا إلى الله


كيف تقضى يومك الرمضانى
بين العمل والعباده وقراءة القرأن
على قدر المستطاع فجميعنا ننظر إلى هذا كطوق نجاه لنا فى هذه الايام


مظاهر احتفال حضرتك برمضان
صدقونى بعض الناس لايسعدون كثير بامتلاء المساجد فى رمضان ولكنى أراه البدايه التى يجب أن ننميها لانهاجمهافيكون رد فعل لاشىء--فالطالب الذى يجيب عن سؤال يجب علينا تشجيعه ليكمل إجابات باقى الاسئله-- أما عتابه فقد يعجزه عن إجابة مايحاول إجابته حتى عن السؤال الذى يحفظه
وأنا كمصرى علقت الفانوس والزينه للأولاد-بل أن الشارع كله إنتدبنى للإشراف على تعليق الزينه فى خارج البيوت والمساجد





مظاهر احتفال محافظتك برمضان
الزحمه على شراء مالذ وطاب وأيضا فى تقديم يد العون لكل محتاج أومسافر
فكم الشباب الموجود على الطرق ليقدمون أقل القليل للمسافرين فى السيارات والقطارات يثبت لك أن شباب الاسلام بخير


هتفطرنا ايه؟؟؟؟
دايما بيقولوا أول يوم فى رمضان لازم كل واحد يفطر فى بيته--
لكن لو مصرين هقدم لكم طبق فول صنع إيديه هتحلفوا بيه وخاصة مع قطع الطماطم والطحينه والزيت الحار
وصينية بطاطس بالفراخ
والحلو بسبوسه


وعادة حضرتك بتفطر مع مين؟
طبعا مع الاولاد ونادرا أترك البيت فدائما الاخرون هم الذين ياتون إلينا لأن زى مابيقولوا إحنا بيت العيله ومنور ببركة الام الكريمة

وبعتذر عن التأخير لأن سبب التأخير رده ليس عندى ولكنه عند المسئولين عن الكهرباء والنت


كل عام وانتم بخير